فنجان الابراج اليوم
قراءة فنجان الابراج اليوم توقعات فنجان الابراج اليوم حصريا من موقع عرب كلوب
تعرفوا على اشهر قارئة فنجان في الوطن العربي
قراءة فنجان الابراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو خبرني فنجانك يا حمل
شايفة انك معزوم على فرح او خطبة شي بيتعلق بارتباط منو إلك لحدا من أصدقائك القدماء
وبدو يكون في جمعة واجواء كتير حلوة بس ما بيخلى من حدا عم براقب كل شي حواليك
في شخص بغار منك وبيحسدك على محبة الناس إلك هيدا الأمر ما بيعجبو بحاول انو يستفزك بوجود أشخاص مهمين انت كتير بتحترمهن
الوضع المهني
شايفة عندك أوراق بتخص العمل بتخص ترخيص او شي بدك تباشر فيها بس بدها وقت وهيدا الشي بيزعجك
طول بالك يا حمل ما تستعجل الأمور
الوضع المالي
انت بدك تاخد خطوة بخصوص مال إلك كان من فترة حدا من الزملاء طلب مبلغ مالي صار وقت تسترجع المال
الوضع العاطفي
بدك تهتم بالشريك وعندك مقابلة مهمة
الوضع الصحي
انتبة من وجع الصدر استشير طبيبك
بقلب البيت
عندك فرح بخص حدا من الاصدقاء القدماء بياخد كل وقتك
شخصيتك اليوم
انت بأجواءحلوة ومناسبه فرح
الثور
شو خبرك الفنجان يا ثور
شايفة عم بتعيش اسعد ايامك يا ثور اجواء اجتماعية حلوة كتير وفرح وسهر وعندك خبر سعيد ناطرو إلك فترة
الوضع المهني
مشروعك ماشي الحال بس بدك تنتبه من أشخاص وبتكشف أشخاص مخادعين واشخاص مخلصين إلك الوضع المهني
بدك تاخد خطوة بخصوص الأشخاص المخادعين وتكشف خداعهن أمام الزملاء والمسؤولين والمدراء الموجودين بالعمل هيدي الخطوة كتير مهمه بحياتك المهنية
الوضع المالي
شايفة عندك زيادة او جائزة التميز بعملك وهيدا الشي بحسن من وضعك المالي
الوضع العاطفي
عندك لقاء عاطفي جيد وبدك تاخد خطوة بخصوص ارتباط من الشريك
الوضع الصحي
انتبه من هبوط السكر
بقلب البيت
بدك تحكي وتناقش امورك مع الأبوين وتكون مرتاح
شخصيتك اليوم
عيش حياتك اسهر وانبسط
الجوزاء
شو بقول فنجانك يا برج الجوزاء
عندك مشوار إلك فترة مأجل هيدا المشوار بخصك بخص مشكلة صارت معك سابقا كنت ناطر تاخد خطوة بخصوص هيدا الأمر شايفة انك بدك تتوفق بالمشوار وتحصل على مرادك قول يا معين
الوضع المهني
شايفة نقاش حاد مع حدا من الزملاء بخص العمل وبدك تتفاهم انت الزميل وتحل سؤ الفهم الحاصل في العمل لازم تناقش الامور بتروي واكتر حكمة ومعروف عنك الثقه بالنفس
وبدك تعيش اوقات ساحرة ومعروف عنك الثقه بالنفس السؤ الفهم لصار بينك وبين زميلك من خلال تواجد شخص بدو يزعجك او يوترك وانت اعطيتو الفرصة انو يزعجك
الوضع المالي
عندك حوالة مالية من الخارج حدا من طرفك بدو يساعدك بأمور مالية بتخصك وبتخص الشريك
الوضع العاطفي
انت والشريك على تفاهم وشايفة مفتاح شقة قريب انشاءالله
الوضع الصحي
انتبه من وجع المعدة
بقلب البيت
مرتاح وامورك تمام مع الأهل الحمد الله
شخصيتك اليوم
شايفة انت والشريك عم بتخطط الارتباط الجدي
السرطان
شو بخبرني فنجانك يا سرطان
في عندك مشاجرة مع حدا قريب منك يمكن مع افراد العيلة
هيدا المشاجرة بدها تتطور وبدو يدخل على الخط المصالحة حدا كبير بالسن وبعض المقربين إلك حتسمع كلامهن وتمر هالمشكلة على خير
الوضع المهني
بدك تكون جدي بعملك وهيدا الشي بقدرو الزملاء والمسؤولين وبتاخد قرارات مهمه ولأفته تبرز كفائتك تتاح لاإلك فرص من بداية من بعض المسؤولين عنك بالعمل وهيدا الشي بزيد برصيدك المهني عندك ترقية بمنصب بعملك وهيدا المنصب الجديد بدو يزعج بعض الأشخاص ويسعد البعض
الوضع المالي
انت مرتاح ماليا وهيدا الشي ساعدك بمهنتك وبتحافظ على اموالك وآموال الآخرين
الوضع العاطفي
عندك مقابلة مع الشريك بدو ياخد برائيك شي بخص الارتباط
الوضع الصحي انتبه لنفسك من الجيوب الأنفية
بقلب البيت *
شايفة بفنجانك فرح قريب ببيتك
شخصيتك اليوم
لازم تكون مرتاح اكتر من الاول
الأسد
شو خبرك الفنجان يا أسد
شايفة مشكلة بدها تواجهك ببيتك يا أسد بتخص حدا من افراد العيلة وهيدي المشكلة بدها تتطور إلى اشياء بتزعجك وبتزعج افراد العيلة
حاول انك تخفف من حدة المشكلة واحتويها واحترم أراء الآخرين
الوضع المهني
بدك تسمع كلام من المدراء بخصوص تقصير بعملك او شي بخص العمل وهيدي الشي بدو يأثر عليك وعلى ادائك حاول انك تتجنب المشاكل واشرح وضعك المهني مع بعض الأشخاص المهمين لانو في نهاية المطاف انت الخسران وفي غيرك ناطر فرصتك ليحل محلك
الوضع المهني
قلنا لازم تنتبه لنفسك وعملك افصل بين حياتك الشخصية والعمل
الوضع المالي
عندك مستحقات ونفقاتك ناطرتك يا أسد حاول انك ترتب امورك المالية مع العيلة والدفوعات
الوضع الصحي انتبه من طلوع السكر عندك تجنب التعصيب
الوضع العاطفي
الشريك بيتهم فيك لازم تهتم انت اكتر
بقلب البيت
عندك مواجهات مع افراد العيلة بخصوص مشكلة معينه صارت مع حدا قريب إلك حاول انك تعطي الحلول وتواجها بنفسك
شخصيتك اليوم
انت بتفكر كتير بحياتك المهنية والمالية خليها على الله
العذراء
شو بقول فنجان يا عذراء
اجوائك حلوة يا عذراء اجا الفرج وقريب جدا مريت بفترة صعبة كتير صار وقت انك تفرح
شايفة فرحة كبيرة عندك انت بتستاهل يا عذراء
الوضع المهني
بدك تاخد خطوة بمجال عملك استقالة من عملك وتدخل عمل جديد وبدك تكون مرتاح لهيدي الخطوة بس بدك تتعب شوية بالبداية وبعدين بترجع إلى عهدك انت مرح بتحب الحياة هيدا الشي بحبب الزملاء والمسؤولين فيك
الوضع المالي
مرتاح وضعك ما عليك دفعات مالية إلك انت مبالغ مالية وناطرة تحصيلها
الوضع الصحي
انتبه لوجع الرأس خفف تفكير بالماضي
الوضع العاطفي
في ارتباط جديد بحياتك وارتباط جدي خود الخطوة لبتريحك
بقلب البيت
شمسك حلوة وشارقة مرتاح كتير
شخصيتك اليوم
بتفكر كتير بالماضي حاول انك تشوف المستقبل ناطرك
الميزان
شو بقول فنجانك يا ميزان
شايفة عندك سفر يا ميزان
بدك تبعد عن الناس والعمل وعن كل الحواليك سفر قريب منو خارج البلاد ضمن البلد وهيدا الشي بيريحك وبخليك تعيد حساباتك من اول وجديد وخطواتك كمان
الوضع المهني
بتحاول انك تثبت حالك ونتفاهم مع الآخرين وتثبت نجاحك وقدراتك وامكانياتك ولكن للاسف في احد المسؤولين دائما ظالمك ما بشوف الا بعين وحدة وهيدا الشي بيزعجك وبقلل من مجهودك حاول انك تفهم هيدا الشخص ونتفاهم معو وناقش بموضوعية لان الأمر حساس كتير بخص مهنتك وسمعتك
الوضع المالي
منك مرتاح ماليا يعني متل ما بقولو منك شايل شي لبعدين بتصرف كل شي وهيدا الشي بدو يزعجك ويزعج الأهل والشريك
الوضع العاطفي
بدك تتناقش انت والشريك وبدو يصير في زعل
الوضع الصحي
انتبه من وجع اسفل الظهر
بقلب البيت
بدك تسمع كلام حلو من الأهل وهيدا الكلام بدو يسعدك
شخصيتك اليوم
حاول انك ترجع علاقتك مع الشريك العاطفي
العقرب
شو خبرني فنجانك يا عقرب
شايفة عندك نجاح يا عقرب شي بخص تخصصك بدك تحتفل بفرحة إلك بعد نجاح كبير شهادة عليا شي بخص دراستك العلمية وهيدا الشي بدو يسعد الأهل والمقربين والأصدقاء
الوضع المهني
عم بتحضر لسفر خارج البلد بدك تاخد هيدي الخطوة بعد تعب ومجهود ودراسة وهيدا الشي بدو يأثر عليك اجابيا بعد مكالمة هاتفية من احد الاصدقاء خارج البلاد وبعد تشجيع منو بالسفر للخارج وهيدا الخطوة حتلاقي ترحيب من الأهل والمقربين وزملاء شايفة بفنجانك نجاح كبير ومال كتير وهيدا حيحسن ظروف حياتك الشخصية والأهل والمقربين
الوضع المالي
بدك تضايق بوضعك المالي شوية وتطلب المساعدة من الأهل والمقربين والأصدقاء وهيدا الشي ما بتنسى
الوضع العاطفي عندك حب جديد بحياتك يمكن يكون خارج البلاد
الوضع الصحي عليك بالرياضة المشي
بقلب البيت احتفال بنجاحك وتفوقك
شخصيتك اليوم
حدا من الاصدقاء عم بحضر لسهرة حلوة واجواء احلى
القوس
شو بدو يقول فنجانك يا قوس
بدك تفقد غرض او مضيع غرض عزيز وغالي عليك وهيدا الشي بدو يوتر ويعصبك في بعض من افراد العيلة بدو يزعجو هيدا الشي
بدو يصير في بعض الجدل انت وياه المهم
بدك تلاقي الغرض بس بعد فترة هيدا الأمر بريحك
الوضع المهني
إلك فترة مهمل عملك بتروح نهار وبتعطل نهار هيدا الأمر بيزعج الزملاء والمسؤول عنك
حاول ما تخلط الأمور ببعضها خلي مشاكلك العائلية والأسرية بعيد عن شغلك لانو مأثر عليك كتير شايفة بفنجانك اذا ضليت هيك بدك تخسر شغلك وهيدا الأمر بكون صعب عليك وعلى عيلتك
الوضع العاطفي
الشريك منو مرتاح منك وخايف حاول انك تتفهم الشريك
الوضع المالي
انت بتساعد الأهل ومسؤول عن بعض امور العيلة حاول انك تتفهم وضعك وترتب امورك بالعمل
الوضع الصحي
انتبه من الضغط العالي
بقلب البيت
بدك تتجنب المشاكل مع حدا من افراد العيلة هيدا الأمر بيسعد الأبوين
شخصيتك اليوم
معصب وتعبان حاول انك تطلع تسهر
الجدي
شو بخبرك الفنجان يا جدي
عندك اهتمام بحياتك العائلية والأسرية هي عيلتك ومهنتك رقم واحد وهيدا الأمر بدو يزعج حدا من المحيطين الك يعني اخ او اخت وبدك تاخد قرار مصيري بخص أرض او عقار بدو يصير خلاف كبير مع الآخرين
الوضع المهني
بدك تعمل مشروع او شغل او شي خاص فيك وهيدا بخليك انك تبيع شي بخص عقار او بيت او أرض حتى تبداء بالمشروع شايفة بفنجانك بدك تنجح بس بدك وقت كبير بدك فترة حتى تحس بالاستقرار
الوضع العاطفي
انتبه للشريك وحاول انك تهتم فيه
الوضع المالي
عندك ضائقة مالية كتيرة وبدك تبيع شي من املاكك وهيدا بيفتح عليك صراع مع احد افراد العيلة
بقلب البيت
نصيحة تجنب المشاكل وتجنب كل الحواليك
وضع الصحي
انتبه من وجع الراس
شخصيتك اليوم
بتفكر كتير حاول انك ترتاح خلي كل شي على الله
الدلو
شو بخبرني فنجانك يا دلو
شايف منام وخايف منو وخايف تفسرو
انا بشوف انو منامك ما في شي بخوف او بيقلق
بدك تناقش امور عائلية مع حدا كبير بالسن وهيدي الأمور بتتعلق بموضوع مهم بخص ارتباط بحدا من افراد عيلتك
الوضع المهني
بدك تحاول تبثت جدارتك بالعمل بالأخص هيدي الفترة لانو شايفة في تقيم للعمل إلك والزملاء بالعمل وهيدا الأمر بدو يكون انجاز لعمل مهم بدك تقوم فية اعطي كل نشاطك ومجهودك بتستاهل التقيم
الوضع المالي
عندك دفعة مالية انت منك حاسب حسابها بتجيك فجأة وهيدا الأمر بخليك بكركبك ماليا
الوضع العاطفي
ما تجادل الشريك ولا تفتح مجال نقاش معو تجنب
بقلب البيت
عندك جمعة بقلب البيت بدك تحل مشكلة صارت مع حدا بخصك
الوضع الصحي
انتبة لوعكة صحية مفاجئة
شخصيتك اليوم
بتفكر تطلع تسهر وتفرح هيدا شي حلو
الحوت
شو خبرني فنجانك يا حوت
أفكارك متل موج البحر بتاخدك وبتجيبك
يا حوت كل شوي بتفكر بشي ساعة بتفكر بالسفر ونهار بتفكر انك تبني مشروع عمل وساعة بتفكر بالارتباط
كلو هيدا ما بفيد رتب امورك المهنية بصورة اوضح إلك
شوف وين بتصير النتائج والحلول انت من ستضحك ولكن حتمر في تجارب استثنائية وتشعر بالسعادة في بعد الخلافات والمشاكل السابقة هيدي لازم تخلص منها وتبلش بالقرارات الارتجالية لبتجيب النتائج والحلول وتكون اقوى من السابق
حتى لا تفتح مجال لحدا يستفزك او يبتزك بأمور سابقة شايفة بفنجانك نجاح وآمال وارتياح نفسي
الوضع العاطفي
بتفكر بالارتباط هيدا الأمر لازم تحسم امورك
الوضع المالي
عندك دفعات مالية بتخص العيلة بتخص شراء عقار او شقة هيدا الأمر بدو يصير بس بدك تضايق شوي ماليا بس بتفرج
الوضع الصحي
خفف دسم خلي اكلك صحي
بقلب البيت بدك تناقش امور بتتعلق بموضوع شراء شي بخصك وبخص عيلتك
شخصيتك اليوم
مرح ومتفائل
الحلبة العشبة الذهبية وفوائدها الصحية العجيبة, ما هي الحلبة ولماذا تُعتبر من الأعشاب العلاجية المميزة؟…
الشبت العشبة الخضراء وفوائدها الصحية المذهلة, ما هو الشبت ولماذا يُعتبر عشبًا أساسيًا؟ الشبت هو…
عرق السوس الجذر العجيب وفوائده الصحية المتعددة, ما هو عرق السوس ولماذا يُعتبر جذرًا صحيًا…
الزنزلخت العشبة الفريدة وفوائدها الصحية المذهلة, ما هو الزنزلخت ولماذا يُعد عشبة مميزة؟ الزنزلخت، المعروف…
الكمون العشبة الذهبية وفوائدها الصحية المذهلة , ما هو الكمون ولماذا يُعتبر كنزًا صحيًا؟ الكمون…
الكرفس العشبة السحرية لصحة الجسم والعقل , ما هو الكرفس ولماذا يُعتبر عشبة فائقة القيمة؟…