فنجان الابراج اليوم
ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو خبرني فنجانك يا حمل
في شي زاعجك صار شي معك بخص الاهل بخص مال شي صار بالبيت وهيدا الشي عملك زعل مع افراد العيلة والاهل انت انظلمت يا حمل
الوضع المهني
بلش الجد عندك يا حمل بدك تدخل بمشروع بخص عملك او بخص المؤسسة انت وبعض الزملاء وهيدا الأمر بدو يعملك بالأول شوية مشاكل مع بعض الأشخاص بس انا شايفة نجاح ونقلة حلوة
الوضع المالي
عندك نفقات مالية بتخص ديون مستحقة من قبل الأهل وأفراد العيلة وهيدا الديون عملتلك شوية مشاكل مالية
الوضع العاطفي
ما تتجنب الشريك لأنك بحاجة لاهتمام
بقلب بيتك
زعل وخلافات مع افراد العيلة والاهل بخصوص ديون متراكمة ومستحقة
شخصيتك اليوم
بدك تتجنب الجميع يا حمل
الثور
شو خبرني فنجانك يا ثور
بدك تفتح دفاتر القديمة يا ثور مع بعض المقربين إلك بخصوص أرض أو عقار بدو يصير نقاش حاد بس بدك تاخد حقك
الوضع المهني
امورك المهنية متجمدة يا ثور ما عندك اي قرارات او طموح هيدا الشي بدو يعكس عليك سلبا
الوضع المالي
خفف مصروفك ونفقاتك وخليك حريص على مالك
الوضع العاطفي
مقابلة مع الشريك هيدي المقابلة بدك تكون مرتاح
بقلب بيتك
شايفة ناس كتيرة بقلب البيت بخصوص
مشكلة بتخص أرض أو عقار بس بدها تنحل انشاءالله
شخصيتك اليوم
متقلب مزاجي معصب ومزعوج
الجوزاء
شو قال فنجانك يا جوزاء
حدا جاي من سفر شايفة فرحة ببيتك يا جوزاء عندك ناس وعزيمة بتخص حدا قريب منك جاي من سفر
الوضع المهني
بدك تدخل بشراكة مع حدا من الاصدقاء وهيدي الشراكة بدها تجيلك وجع راس وخسارة يا جوزاء انتبه ما تدخل اي شراكة او مشروع قبل ما تكون عملو دراسة مفصلة واستشير الأكبر منك سنا وخبرة
الوضع المالي
انتبه لنفسك
نفقاتك ومصروفك وسهراتك
الوضع العاطفي
شايفة في هدية وشايفة اهتمام خاص بالشريك
بقلب بيتك عزيمة وناس وفرحة بتخص حدا جاي من سفر
شخصيتك اليوم
سهرة مع الاصدقاء والشريك واجواء مرحة
السرطان
شو بقول فنجانك يا سرطان
عندك مواجه مع شخص قريب من العيلة او احد افراد عيلتك بخصوص مشكلة صارت معو وهيدي المشكلة بدها تأثر عليك وعلى شغلك يا سرطان
الوضع المهني
بدك تكون مستعد يا سرطان الوضع المهني عندك اجتماع مهم مع اشخاص مهمين بالعمل وهيدا الاجتماع بدو يكون الو تأثير كبير على وضعك المهني والمالي
الوضع المالي
مرتاح ماليا منك بحاجة لحدا وهيدا الأمر بيسعد وبريحك وبتساعد وبتساند الأهل وأفراد العيلة
الوضع العاطفي
شايفة حب جديد بحياتك وبدك تاخد خطوة جادة
بقلب بيتك
عندك مواجه مع حدا من افراد العيلة بخصوص مشكلة صارت معو مع حدا من المقربين وهيدا المشكلة بدها تزعجك
شخصيتك اليوم
شايفة مقابلة مع حب جديد وهيدي المقابلة بدها تأثر عليك اجابيا
الأسد
شو خبرني فنجانك يا أسد
عندك لقاء مع شخص صديق جديد بحياتك وهيدا اللقاء بدو بفتح باب شغل جديد او شراكة جديدة
الوضع المهني
بدك تاخد قرار بخصوص عمل جديد او شراكة مع صديق وبدك تفتح مشروع عمل وهيدي الخطوة بدها تكون سرية ما بدك حدا يعرف فيها حتى شايفة نجاح مهم يا أسد بس انتبه في حسد كبير حواليك اي خطوة او قرار بدك تاخدو عليك بالكتمان
الوضع المالي
منقول الحمدالله وضعك مرتاح ما عندك اي دفعات او نفقات وهيدا الأمر بيسعد الأهل والشريك
الوضع العاطفي
اهتمام بالشريك بدو يعملك تعب
بقلب بيتك
امورك تمام وضع بيتك رايق وهادي الحمدالله
شخصيتك اليوم
رايق وهادي عم بتحضر لسهرة مع الشريك
العذراء
شو خبرني فنجانك يا عذراء
بدك تراجع حسباتك وبدك ترتب أوضاعك العائلية بس بدك تتفاحىء بقرار من احد افراد العيلة بخصوص مال او أرض هيدا الأمر بدو يعملك شوية مشاكل
الوضع المهني
موعود بعمل جديد وهيدا الأمر اخد كل تفكيرك حدا من الاصدقاء بدو يطرح عليك مشروع او عمل مشترك ما تتردد يا عذراء الوعود كتيرة بس ما في منها شي بضل وعد
الوضع المالي
شايفة عندك شراء سيارة او شي بخصك وبدك تشتري وبدك تكون سعيد ومبسوط يا عذراء
الوضع العاطفي
شايفة عيون كتير محبة او معجبة فيك
بقلب بيتك
بدك تواجه حدا من افراد العيلة بمشكلة وبدك تاخد قرار وتنهي المشكلة
شخصيتك اليوم
شايفة عندك سهرة او بدك تروح على سهرة مع الاصدقاء
الميزان
شو قال فنجانك يا ميزان
شايفة عندك خلافات مع اشخاص بخصوص أرض متنازع عليها من فترة طويلة وهيدا الخلاف بدو يدخل فية محامي او قضاء وبدها تنحل بتراضي
الوضع المهني
شايفة عندك أفكار جديدة واستثنائية بحياتك المهنية وبدك تدخل على مشروع مهم جدا وهيدي الخطوة بدك تاخدها عن قناعة ودراسة شايفة عندك نجاح مهم يا عذراء
الوضع المالي
وضعك المالي تمام بدك تطلب مساعدة ودعم من الأهل بخصوص مشروعك
الوضع العاطفي
حاول انك تحل الخلافات مع الشريك بتروي وهدوء
بقلب بيتك
شايفة ناس كتير عم تدخل على بيتك بسبب صلح او شي بخص عيلتك
شخصيتك اليوم
مزاجك معكر ومنك رايق لحدا
العقرب
شو بقول فنجانك يا عقرب
بدك تقابل أشخاص او رجل دين وبدك تناقش امور بتخص حدا من طرفك بخصوص ارتباط وهيدا الشي بدك تسعى حتى يتحقق وبإذن الله بدو يتحقق
الوضع المهني
بدك تاخد قرار بخصوص العمل او مرة بتاخد قرار بيتعلق بشؤونك المهنية يا عقرب بدك تقابل أشخاص مهمين وبدك تناقش مشروعك وقراراتك شايفة بفنجانك نجاح وتفوق بعملك الجديد وهيدا الشي بدو يأثر عليك اجابيا مهنيا وماليا
الوضع المالي
تمام الحمدلله في حدا قريب منك بدو يطلب مساعدة ودعم ما تتردد يا عقرب
الوضع العاطفي
بدك او صار لازم تأخد قرار بيتعلق بشؤون الشريك
بقلب بيتك
شايفة عندك ضيوف ببيتك ما بخصوك وبدك تقابل رجل دين
شخصيتك اليوم
بتفكر كتير بأمور بتتعلق بشؤون العائلة والاسره والعمل خفف شوية
القوس
شو بخبرني فنجانك يا قوس
بدك تراجع امور مالية مع حدا من افراد العيلة بخصوص شراء عقار او مؤسسة او أرض وهيدا الأمر للاسف ما بتم بدك تكتشف قصص جديدة بتخص مال وهيدا الأمر بدو يعملك شوية مشاكل وزعل يا قوس
الوضع المهني
عندك مشكلة مع شخص جديد بحياتك وهيدا الشخص بدو يعملك مشاكل مع المسؤولين بدك تتعرض لمضايقات كتير يا قوس بدك تكون حزر من هيدا الشخص بدك ترجع ترتب أوضاعك المهنية وتعيد علاقاتك مع المسؤولين
الوضع المالي
بدك يكون عندك خيبة أمل حدا من افراد العيلة بدو يورطك بأمور مالية
الوضع العاطفي
الك فترة بتتجنب الشريك اهتم بالشريك اكتر احسن ما تخسرو
بقلب بيتك
عندك مواجه مع احد افراد عيلتك بخصوص مال وهيدي المشكلة بدها تنتهي بزعل
شخصيتك اليوم
اكتر يوم بتكون مزعوج ومضايق
الجدي
شو بقول فنجانك يا جدي
بلشت ترتاح بلشت امورك تتحسن بدك تجتمع بأشخاص جايين من طريق بعيد حدا بدو يفتح مواضيع قديمة بتزعجك يا جدي انتبه لنفسك من الحسد عندك حسد وغيرة من شخص مقرب منك كتير انت بتعرفو وبتعرف شو بفكر هيدي ميزة قيك انك ذكي وبتعرف كيف تتصرف بكل الاوقات يا جدي
الوضع المهني
بدك تدخل على مشروع مهم او بدك تعمل مشروع مهم يا جدي وهيدا الأمر بدو يتم انشاءالله بس في أشخاص منافقين حاقدين عليك وبغارو منك بدهن يحالو يقللو من قدراتك ونجاحك بس انت منك ح تسكت بدك تواجه وبكل شراسة وبدك تحط النقط على الحروف وبدها تكون ردة فعلك غير متوقعة
الوضع المالي
في عندك شوية ضغوطات مالية بس بدها يجيك مبلغ مالي منك حاسب حسابو وهيدا الأمر بدو يفرجك
الوضع العاطفي
عندك نقاش مع الشريك بخصوص شغل او مشروع هيدا النقاش بدك تحسم هيدا الموضوع لصالحك
بقلب بيتك
رايق وهادي ما في شي يزعجك
شخصيتك اليوم
رايق وهادي بتحافظ على تفائلك
الدلو
شو قال فنجانك يا دلو
بدك تفتح موضوع متعلق بإرث او شي بخص عيلتك وهيدا الأمر بدو يعملك نقلة مهمة بحياتك المهنية والعلمية
الوضع المهني
شايفة عندك سفر بصدد العلم والدراسات بدك تاخد خطوة تفاجىء الجميع بخصوص عمل جديد بخصوص السفر والدراسة بدك تلاقي الدعم من الأهل والمقربين إلك بس كمان بدك تلاقي الأشخاص لبكونو حاقدين عليك وعلى نجاحك ما تهتم يا دلو
الوضع المالي
عندك بيع شي بخصك بدك تبيع أرض او عقار وهيدا الأمر بدو يتم انشاءالله
الوضع العاطفي
حب جديد بحياتك يمكن يكون خارج البلاد
بقلب بيتك
عندك نقاش حاد مع بعض المقربين إلك بخصوص السفر والارث
شخصيتك اليوم
سهرة مع الاصدقاء قدماء وهيدي السهرة بدك ترجع ذكريات جميلة
الحوت
شو قال فنجانك يا حوت
حدا من المقربين بدو يدخل بمشكلة انت بدك تكون موجود وهيدا المشكلة بدها تتطور للجدية حاول انك تتجنب المشاكل ما تتدخل احسن ما تصير طرف فيها
الوضع المهني
امورك المهنية الحمدلله تمام انت محبوب من الزملاء والمسؤولين عندك بدك تاخد قرار بخصوص مشروع ضمن عملك وهيدا المشروع بدو يعملك نقلة مهمة بحياتك المهنية شايفة عندك نجاح وعندك مال وعندك ثقة بنفسك وبقدراتك يا حوت
الوضع المالي
بلشت قول انو وضعك المالي تمام عندك شراء سيارة او شقة ناطر فرصة او خطوة من الشريك
الوضع العاطفي
بدك تناقش امور بتتعلق بموضوع الارتباط مع الشريك
بقلب بيتك
شمسك شارقة وعندك طاقة فرج قريبة بتحل مشاكلك بنفسك
شخصيتك اليوم
رايق ومرتاح على وضعك ما في شي زاعجك
أقوال وحكم عن العمل والاجتهاد عبارات تلهمك لتجاوز التحديات العمل والاجتهاد هما أساس النجاح وبناء…
أقوال وحكم عن السعادة والرضا عبارات تلهمك لتعيش حياة أكثر بهجة السعادة والرضا هما الحلم…
أقوال وحكم عن الحب والعلاقات: عبارات تلهمك لفهم أعمق للحياة الحب هو القوة الأعظم التي…
أقوال وحكم عن التفاؤل والطاقة الإيجابية تلهمك لتغيير حياتك هما المفتاحان لتغيير حياتك وتحقيق أحلامك.…
أقوال عن النجاح وحكم تلهمك لتحويل أحلامك إلى حقيقة النجاح والصبر هما وجهان لعملة واحدة؛…
أسباب التهاب المثانة وطرق العلاج والوقاية التهاب المثانة هو حالة شائعة تصيب الجهاز البولي، خاصة…