قراءة فنجان الابراج اليوم
قراءة فنجان الابراج اليوم توقعات فنجان الابراج اليوم حصريا من موقع عرب كلوب
تعرفوا على اشهر قارئة فنجان في الوطن العربي
قراءة فنجان الابراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو بخبرني فنجانك يا حمل
بدك تستقبل ضيوف جايين من طريق بعيد وهودي الضيوف منهن جايين صدفة جايين قاصدين شي معين بخص أرض او عقار وهيدا الأمر بدو يسعدك ويسعد الأهل
الوضع المهني
عندك امور عالقة بتخص العمل هيدي الأمر بيعملك شوية توتر وكركبة بس بدك تحصل على هيدا الشي شايفة عندك فرج قريب يا حمل بس بدك تصبر شوية بس بتم بإذن الله
الوضع المالي
شايفة بفنجانك في أموال وقريب جدا بدك تبيع أرض او شي بخص عيلتك وبخصك
الوضع العاطفي
صار لازم ترتب امورك العاطفية يا حمل
بقلب بيتك
عندك عزيمة مهمة وعندك ضيوف بدك تكون مسرور
شخصيتك اليوم
ايامك حلوة يا حمل ما في شي زاعجك
الثور
شو خبرني فنجانك يا ثور
شايفة عندك شجار مع حدا من افراد عيلتك بخصوص مشكلة مالية كبير في رهن لشي بخص الاهل والعيلة وهيدا المشاجرة بدها تنتهي بزعل يا ثور
الوضع المهني
بدك تجتمع مع بعض الزملاء بالعمل بخصوص مشروع ضمن عملك وهيدا المشروع بدو يعملك شوية توتر وخوف وقلق بس بينتهي على خير
الوضع المالي
وضعك تمام ما عندك ضغوطات مالية بتساعد حدا من افراد العيلة بمبلغ مالي بدك تكون مزعوج
الوضع العاطفي
اهتم بالشريك إلك فترة منك مهتم
بقلب بيتك
شايفة نقاش مع حدا من افراد عيلتك بخصوص مشكلة مالية كبيرة
شخصيتك اليوم
خفف تعصيب وتوتر وخوف يا ثور
الجوزاء
شو قال فنجانك يا جوزاء
بدك تحل مشكلة صارت مع حدا مقرب منك وهيدي المشكلة بدها تعملك توتر وانفعال بس بدها تنحل بتراضي
الوضع المهني
ناطر تاخد خطوة بخصوص عملك بدك تعمل مشروع عمل جديد بخصك إلك وهيدا الشي بدو يصير انت ناطر مكالمة هاتفية من حدا يمكن يكون خارج البلاد أو صديق بدك تحصل على لبدك ياه وقريب جدا
الوضع المالي
بدك تطلب مساعدة ودعم من حدا خارج البلاد أو صديق قديم إلك بتلاقي اهتمام والدعم المطلوب
الوضع العاطفي
الشريك بيهتم بأمورك وداعمك واقف حدك ومعك وهيدا الشي بيسعدك يا جوزاء
بقلب بيتك
شايفة عندك فرحة من الأهل وأفراد العيلة بخصوص عمل جديد
شخصيتك اليوم
آخر رواق وهادي بتفكر كيف بدك تسعد الشريك
السرطان
شو خبرني فنجانك يا سرطان
عندك نقاش حاد مع شخص هيدا الشخص منافق بدو يدخلك بمشكلة مع حدا قريب منك بس بدك تنهي امور كتيرة ومن الأمور هيدا الشخص
الوضع المهني
بدك تاخد قرار بخصوص مشروع ضمن عملك وهيدا المشروع بدو يحسن وضعك المهني والمالي انتبه لنفسك من شخص بدو يستفزك ويزعجك حاول انك تتجنب اي مشكلة بالعمل
الوضع العاطفي
مقابلة مع الشريك بتغير تفكيرك بالاشياء كنت تتخطها
بقلب بيتك
بدك تناقش امور بتتعلق بشؤون العيلة مع شخص مقرب منك
شخصيتك اليوم
مزعوج بسبب العمل اطلع اسهر وافرح وعيش حياتك
الأسد
شو خبرني فنجانك يا أسد
فنجانك حلو اليوم
عندك مناسبة لحدا من الاصدقاء القدماء وهيدي المناسبة بدها تفتح عليك أبواب العمل
الوضع المهني
حدا من الاصدقاء القدماء بدو يعرض عليك عمل او شراكة وهيدا الشي بدو يأثر عليك اجابيا وبدو يتم بإذن الله شايفة نجاح ومال وأيام حلوة
الوضع المالي
بدك تخلص من كل الضغوطات والديون يا أسد
الوضع العاطفي
صار وقت انك تاخد خطوة جادة بخصوص الشريك
بقلب بيتك
شايفة عند الأهل فرحة بتخص نجاحك المهني
شخصيتك اليوم
رواق وسهرة حلوة مع الأصدقاء
العذراء
شو خبرني فنجانك يا عذراء
عندك علامة استفهام حدا بدو يسأل سؤال بس هيدا السؤال منو صدفة انتبه للجواب يا عذراء
الوضع المهني
شايفة بفنجانك شغل جدید مع احد المقربين إلك بدو يعرض عليك عمل جديد هيدي فرصة إلك ما تضيعها من إيدك
الوضع المالي
امورك المالية الحمدلله بخير بس انتبه لمصروفك بهالفترة يا عذراء
الوضع العاطفي
مقابلة حلوة مع الشريك بدك تكون مرتاح
بقلب بيتك
بدك تكون مزعوج من تصرفات بعض الأشخاص
شخصيتك اليوم
حابب تكون لحالك راجع كل شي بيتعلق بشؤونك يا عذراء
الميزان
شو بقول فنجانك يا ميزان
بتحاول انك تجمع العيلة وتحل مشاكل وبتساعد وبتساند الأهل والمقربين إلك وهيدا الشي بزيد برصيدك من محبة الأهل بالأخص الأبوين
الوضع المهني
حدا قريب منك بدو يعرض عليك عمل جديد انتبه من هيدا الشخص بدو يعملك مشاكل مع حدا الزملاء والمسؤولين انت مرتاح بعملك حاول انك تطور نفسك وتحقق أحلامك
الوضع المالي
شايفة عندك شراء شي بخصك إلك وضعك المالي تمام الحمدلله
الوضع العاطفي
عندك حدا براقبك من فترة عين محب إلك
بقلب بيتك
حدا من افراد عيلتك عندو مشكلة معينه بدك تحاول انك تحلها
شخصيتك اليوم
امورك تمام ما في شي يزعجك
العقرب
شو خبرني فنجانك يا عقرب
شايفة سفر عندك طيارة يا عقرب وقريبة جدا
الوضع المهني
بدك تاخد قرار بخصوص العمل خارج البلاد بدك تكون مستعد يا عقرب بدك تسمع حدا من الاصدقاء بدو يطرح عليك مشروع مهم جدا شايفة في سفر انشاءالله
الوضع المالي
بدك تطلب مساعدة ودعم من الأهل والأصدقاء
الوضع العاطفي
شايفة عندك نهاية علاقة يا عقرب يمكن هيك احسن إلك
بقلب بيتك
طاقة فرج قريبة انشاءلله بدك تناقش امور بتتعلق بالسفر للخارج مع الأهل
شخصيتك اليوم
شي زاعجك يا عقرب
القوس
شو بقول فنجانك يا قوس
بدك تمشي بطريق طويل مع بعض الأشخاص بخصوص عمل بخصك إلك بدك تكون مرتاح وسعيد بالعمل
الوضع المهني
بدك تاخد قرار مصيري تغير كامل بحياتك المهنية في أشخاص مهمين بدهن يدعموك بالمجال المهني بدك تلاقي نتيجة بوضعك المهني والمالي
الوضع المالي
امورك المالية الحمدلله بخير ناوي على سيارة جديدة او شي بخص عيلتك
الوضع العاطفي
مقابلة مع الشريك بدك تناقش امورك المهنية والمالية
بقلب بيتك
شمسك شارقة وايامك حلوة يا قوس
شخصيتك اليوم
مشوارك حلو مع بعض الأشخاص المهمين بدك تكون مرتاح
الجدي
شو خبرني فنجانك يا جدي
مريت بفترة دقيقة وصعبة كتير يا جدي واجهتك مشكلة معينه صارت معك بلشت تتحسن امورك انتبه لنفسك من بعض المقربين إلك في ناس الغيرة والحسد انت كاشفهن
الوضع المهني
عندك احلام كتير بتخص العمل بدها تجيك فرصة عمل بمؤسسة مهمة وهيدا العمل بدو يفتح عليك فرص كبيرة لسفر خارج البلد او بمؤسسة مهمة ما ضيع أحلامك يا جدي هيدي الفرصة ما بتجي كل مرة استفيد منها
الوضع المالي
جاييك دعم مالي بدو يحل مشكلة معينه بتخص عيلتك
الوضع العاطفي
اهتم بالشريك اكتر وخليك دبلماسي مع الشريك
بقلب بيتك
بدك تناقش امور بتتعلق بشؤون العمل مع بعض المقربين إلك
شخصيتك اليوم
متقلب ساعة رايق وهادي وساعة معصب ومزعوج
الدلو
شو بقول فنجانك يا دلو
بدك تناقش مشكلة بتخص حدا قريب منك وهيدي المشكلة بدك تحلها بس بدك تخسر مال وهيدا الشي بيزعجك وبيزعج الأهل والشريك
الوضع المهني
بدك تقدم على شغل جديد وهيدا الشغل بخص شهاداتك ودراستك بدك تجمع اوراقك وشهاداتك ودراستك شايفة عندك نجاح مهم يا دلو إلك فترة طويلة عم بتحضر للعمل واجت الفرصة لعندك حاول انك تستفيد منها
الوضع المالي
شايفة بفنجانك مال بدك تحصل عليه قريب جدا
الوضع العاطفي
ليش متجنب الشريك إلك فترة حاول انك ترتب أوضاعك العاطفية
بقلب بيتك
شايفة امورك تمام مع الأهل وأفراد العيلة
شخصيتك اليوم
بدك تكون رايق وهادي يا دلو بالأخص
مع الشريك
الحوت
شو بقول فنجانك يا حوت
صار لازم تحط النقط على الحروف بخصوص العمل والاهل والمقربين إلك بدهن يستغلو طيبة قلبك
الوضع المهني
حدا من الزملاء معك بالعمل بحاول انو ياذيك بعملك بوجهك شي وراء ضهرك شي بيطعن بضهرك وبيستغل طيبه قلبك بدك تواجه صعوبات كتيرة ومهمه وبدها تمر عليك ايام صعبة ودقيقة بس بدك تثبت حالك وجدارتك يا حوت وبدك توقف عند بعض الزملاء بالعمل المنافقين بدك تواجهن بكل المجالات يعني بدك تقلب الطاولة على الجميع
الوضع المالي
مريت بفترة صعبة شوية بس شايفة بلشت تتحسن امورك المالية
الوضع العاطفي
الشريك بيهتم بأمورك وبحاول انو يدعمك ويكون حدك
بقلب بيتك
عندك نقاش مع حدا من افراد العيلة بس الأهل معك بكل خطوة
شخصيتك اليوم
مقابلة حلوة مع الشريك بتكون مختلفه
برج الحوت اليوم على الصعيد المهني والصحي والعاطفي نسبة الحظ في الحب والزواج توقعات برج…
برج الدلو اليوم على الصعيد المهني والصحي والعاطفي نسبة الحظ في الحب والزواج توقعات برج…
برج الجدي اليوم على الصعيد المهني والصحي والعاطفي نسبة الحظ في الحب والزواج توقعات برج…
برج القوس اليوم على الصعيد المهني والصحي والعاطفي نسبة الحظ في الحب والزواج توقعات برج…
برج العقرب اليوم على الصعيد المهني والصحي والعاطفي نسبة الحظ في الحب والزواج توقعات برج…
برج الميزان اليوم على الصعيد المهني والصحي والعاطفي نسبة الحظ في الحب والزواج توقعات برج…