فنجان الابراج
قراءة فنجان الابراج اليوم توقعات الابراج اليوم حصريا من موقع عرب كلوب
تعرفوا على اشهر قارئة فنجان في الوطن العربي
قراءة فنجان الابراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
الحمل
شو بقول فنجانك يا حمل
بدك تتلقى مكالمة من احد الاصدقاء خارج البلد وهيدا الصديق بدو يعرض عليك عمل خارج البلاد بتفكر كتير بهيدي الفرصة بس انت بتأجل هيدا الموضوع وبعد فترة منها طويلة بتاخد هيدا القرار يا حمل شايفة بفنجانك باب السفر موجود ومفتوح
الوضع المهني
بدك تخلص امور بتتعلق بشؤون العمل بدها وقت حتى تحصل على اوراق بتخص العمل بس بتحصل عليها
الوضع المالي
بدك تكون اكتر عندك مال يا حمل الحمدلله امورك المالية تمام
الوضع العاطفي
عندك مقابلة مع الشريك بدك تكون صريح مع الشريك
بقلب بيتك
بدك تناقش وضعك وامورك مع الأهل بخصوص السفر
شخصيتك اليوم
مرتاح عندك مقابلة مع الشريك بدك تكون صريح
الثور
شو قال فنجانك يا ثور
شايفة عندك دخول إلى دوائر رسمية يا ثور في أوراق بتخص العمل وهيدي الأوراق كتير مهمه بدك تستلم هيدا الأوراق الرسمية وبدك تنهي امور كانت عالقة بدوائر حكوميه
الوضع المهني
امورك المهنية
في أوراق بتخصك وبتخص العمل يا ثور كانت عالقة بدوائر رسميه وفيها شوية مشاكل وبدها امضاءات من مسؤولين انت بدك تهتم بهيدي الأوراق الرسمية وبدك تحصل عليها بأقرب
الوضع المالي
عندك نفقات ودفعات مالية بتخص العمل واوراق وهيدي النفقات بدها تعمل شوية مشاكل مالية انشاءالله بتحل مشاكلك يا ثور
الوضع العاطفي
عندك مكالمة هاتفية مع الشريك من فترة العلاقة صارت احسن مع الشريك
بقلب بيتك
امورك العائلية تمام بس شاغل بالك امور بتتعلق بشؤون العمل والاوراق
شخصيتك اليوم
كتير مرتاح هيدي الفترة ما في شي زاعجك
الجوزاء
شو قال فنجانك يا جوزاء
ليش الزعل يا جوزاء بدك تناقش امور بتتعلق بشؤون العيلة مع حدا من افراد عيلتك بدو يصير في كلام وهيدا الكلام بيزعجك كتير وبصير في زعل كبير
الوضع المهني
امورك المهنية عندك مقابلة مع زبائن وهيدي المقابلة بدها تكون لصالحك يا جوزاء بدك تناقش امور بتتعلق بموضوع العمل وبدك تاخد خطوة بمجال عملك بخصك إلك شايفة بفنجانك باب الرزق مفتوح انشاءالله بس بدك تصبر يا جوزاء وبدك تتعب كتير
الوضع المالي
امورك تمام الحمدلله إلك فترة بتحاول انك تتجنب المصاريف الزيادة حتى تقدر تفتح مشروع بخصك اجتك الفرصة يا جوزاء
الوضع العاطفي
انت حساس كتير يا جوزاء بالأخص مع الشريك
بقلب بيتك
نقاش مع الأهل بخصوص عمل جديد بخصك إلك شايفة عندك دعم يا جوزاء
شخصيتك اليوم
بتفكر كتير بأمور مختلفة خفف توتر
السرطان
شو بخبرك الفنجان يا سرطان
بدك تنعزم على مناسبة لحدا او عزيمة عشاء مع بعض المقربين إلك وبدك تلتقي بشخص انت ما بتحبو ولا بترتحلو هيدا الشخص بدو يحاول انو يقرب منك لمصلحة عندو يا سرطان بدك تتجنب اي اختلاط معو او اي حديث
الوضع المهني
عندك اجتماع بخص العمل وشايفة في جردة حسابات بتخص المؤسسة وهيدي الجردة بدها تزعج بعض الزملاء بالعمل بدك تسمع بأمور بتتعلق بشؤون العمل والمال وضعك المهني تمام نا عليك اي خطر بس ما تدخل بأي قرار بخصوص الزملاء
الوضع المالي
عندك ديون مستحقة بتخص الاهل والعيلة بدك ترتب هيدي الديون حتى ترتاح ماليا
الوضع العاطفي
شايفة في خلاف وكبير مع الشريك
بقلب بيتك
بدك تناقش وضعك المالي والمهني مع افراد عيلتك
شخصيتك اليوم
كل شي تمام بس بيزعجك وضع الشريك
الأسد شو قال فنجانك يا أسد
بدك تفتح مشكلة مع حدا من افراد عيلتك بخصوص مبلغ مالي او شي بخصك إلك وهيدي المشكلة بدها تتطور وبدو يصير انفعال وتعصيب وزعل بس شايفة بعد ساعة بدك تكون هادي بنقاشك كانو ما صار شي
الوضع المهني
وضعك المهني صعب شوية بتحاول انك تتجنب بعض الزملاء بالعمل بالأخص الزملاء بحاولو ياذوك ويستفزوك بدك تناقش وضعك وامورك مع حدا من المسؤولين عنك بخصوص هودي الزملاء شايفة انو بدك تحسم امورك مع هودي الأشخاص
الوضع المالي
وضعك المالي مكركب كتير بالأخص النفقات والديون المتراكمة عليك
الوضع العاطفي
بدك تخفف تعصيب على الشريك ما تحمل الشريك اكتر من طاقتو
بقلب بيتك
في عندك مشكلة مع حدا من افراد عيلتك وبدها تتطور إلى زعل
شخصيتك اليوم
ما في شي جاي على مزاجك يا أسد بضل معصب ومزعوج
العذراء
شو قال فنجانك يا عذراء
بدك تمشي بطريق وبدك تحصل مبلغ مالي كبير من حدا من الأقارب سابقا كان بضيقة وانت سلفت مبلغ مالي كبير وصار مستحق الدفع من فترة طويلة بدك تحصل هيدا المال بس بدك تخسر بعض المقربين إلك
الوضع المهني
ناطر فرصة عمل وناطر حدا من الاصدقاء انو يبادر بهيدا العمل ما تنطر يا عذراء شايفة انو كانت وعود واهيه وكاذبة هودي الأشخاص كانت صحبتهن لمصلحة عندك
يعني أصدقاء مصلحة
الوضع المالي
عندك مال يا عذراء بدك تحصل عليه قريب جدا بس هيدا المال بدو يسبب زعل
الوضع العاطفي
حدا بدو يفاجئك بمشاعرو وقريب جدا بدو يفاتحك بموضوع ارتباط
بقلب بيتك
امورك هادية بقلب بيتك ما في شي زاعجك شخصيتك اليوم رايق وهادي في شوية توتر وكركبة بس بتمر
الميزان
شو خبرني فنجانك يا ميزان
شايف منام يا ميزان وهيدا المنام عملك شوية توتر وقلق منامك ابدا منو منيح بس بتفسر على حدا قريب منك بخصك
الوضع المهني
بدك تستلم عمل جديد وهيدا العمل حدا من المعارف إلك بدو يحصلك هيدا الأمر شايفة عندك عمل جديد شايفة بدك تمضي على عقد وهيدا العمل بدو يفتح عليك أبواب كتيرة ومهمه
الوضع المالي
عندك شوية ضغوطات مالية بتخص العيلة
الوضع العاطفي
حب جديد بحياتك يا ميزان وقريب كتير بدك تقابل الشريك
بقلب بيتك
عندك نقاش بخصوص الشريك وبخصوص العمل مع الأهل
شخصيتك اليوم
مرح ورايق كتير
العقرب
شو بخبرك الفنجان يا عقرب
بدك تستلم شهادة دراسية شي بخص العلم والدراسات شايفة عندك نجاح مهم يا عقرب
الوضع المهني
شايفة عندك باب سفر بصدد العلم والدراسات يا عقرب وهيدي الخطوة بدك تاخدها عن قناعة وعن جكارة يا عقرب وضعك كتير منيح مني شايفة بفنجانك شي بخوف بالعكس شايفة نجاح كبير وتفوق
الوضع المالي
حدا من افراد عيلتك او الأبوين بدو يدعمك ويكون حدك
الوضع العاطفي
شايفة خالي القلب يا عقرب بس لفترة منها بعيدة
بقلب بيتك
فرحة الأهل والمقربين والأصدقاء بخصوص حصولك على شهادة دراسية
شخصيتك اليوم
سهرة حلوة مع الأصدقاء والمقربين واجواء احلى
القوس
شو بقول فنجانك يا قوس
أفكارك ملبكة يا قوس أفكارك متل موج البحر بتاخدك وبتجيبك بتفكر كتير بأمور مختلفة
الوضع المهني
وضعك المهني صعب شوية انت إلك فترة مستهتر بتأجل بقرارات بتخص العمل وهيدي الأمور بيزعج بعض الزملاء والمسؤولين انتبه يا قوس وضعك المهني على المحك
الوضع المالي
خفف مصروفك ونفقاتك وسهراتك يا قوس
الوضع العاطفي
امورك مع الشريك كتير منيحة عندك اهتمام خاص بالشريك
بقلب بيتك
مكركب كتير بالأخص بموضوع العمل
شخصيتك اليوم
سهرة مع الاصدقاء بس انت منك مرتاح بتفكر كتير بأمور مختلفة
الجدي
شو خبرني فنجانك يا جدي
شايفة عندك مال وقريب كتير بدك تستلم ظرف وهيدا الظرف في أوراق بدك توقع عليها او في مال بدك تستلمو
الوضع المهني
بتفكر كتير وبتحلم كتير يا جدي بدك تاخد خطوة تفاجىء الأهل والمقربين والشريك بخصوص عمل بخصك شايفة بفنجانك باب العمل كتير مهمه بدك تباشر بعمل بمؤسسة كبيرة وبدك توقع على عقد عمل مهم مع بعض الأصدقاء هيدا الأمر بدو يأثر عليك اجابيا وبدو يفتح عليك فرص مهمه فنجانك كتير حلو يا جدي بس انتبه من الحسد
الوضع المالي
بدك تستلم هدية او مبلغ مالي منو كبير بس بيفرجك كتير يا جدي
الوضع العاطفي
انت بتفكر بشي والشربك عكسك شايفة في خلاف مع الشريك بخص حدا من افراد عيلتك
بقلب بيتك
شايفة بقلب البيت طاقة فرج قريبة ومهمه كتير
شخصيتك اليوم
مرتاح كتير ورايق يا جدي امورك تمام
الدلو
شو خبرني فنجانك يا دلو
بدك تفتح موضوع متعلق بارث يا دلو حدا من افراد عيلتك بدو يفتح موضوع إرث وهيدا الأمر بيزعجك وبخليك تعيد حساباتك من جديد في ظلم من قبل هيدا الشخص من افراد عيلتك بدك تواجه صعوبات كتيرة بتخص هيدا الأمر
الوضع المهني
حدا من الاصدقاء بدو يعرض عليك عمل جديد بمؤسسة جديدة بالبداية بدك تلاقي تعب ومجهود بس بعدين بدك تشرح وضعك لحدا من المسؤولين عنك بدو يساعدك بأمور بتخص العمل
الوضع المالي
بدك تتلقى مكالمة هاتفية بتخص مال او حوالة مالية هيدي المكالمة بدها تزعجك كتير يا دلو
الوضع العاطفي
امورك كتير منيحة مع الشريك بتعرف كيف بتسيطر على الشريك
بقلب بيتك
عندك مواجه مع الأهل بخصوص إرث او شقة بدك تكون مزعوج من هيدي المواجه
شخصيتك اليوم
مزعوج من تصرفات بعض أفراد عيلتك
الحوت
شو بقول فنجانك يا حوت
بدك تكتشف قصص جديدة وامور كتيرة بتخص حدا من الاصدقاء وهيدي القصص كلها كذب يا حوت
الوضع المهني
عندك طيارة بدك تاخد قرار بخصوص سفر خارج البلد وهيدا القرار الصح إلك فترة طويلة عم بتحضر لهيدا الأمر بالكتمان والسرية صار وقت تحط النقط على الحروف بخصوص هيدا الأمر تعبت كتير يا حوت بالأخص بالفترة هيدي شايفة بفنجانك باب العمل والسفر والنجاح موجود بفنجانك
الوضع المالي
امورك المالية الحمدلله بخير انت حريص على اموالك واجا وقت انك تستفيد من هيدا المال
الوضع العاطفي
عندك ارتباط يا حوت وقريب كتير بدك تاخد قرار بخصوص الشريك
بقلب بيتك
شايفة عندك عزيمة بالبيت بتخص الاصدقاء هيدي العزيمة بدك تكتشف قصص كذب
شخصيتك اليوم
عزيمة مع الأصدقاء والمقربين واجواء كتير حلوة
تفسير حلم الإحسان في المنام التفسير العام لرؤية الإحسان في المنام رؤية الإحسان في المنام…
تفسير حلم الإساءة في المنام التفسير العام لرؤية الإساءة في المنام الإساءة في المنام، سواء…
تفسير حلم ارتكاب الذنب في المنام التفسير العام لرؤية ارتكاب الذنب في المنام ارتكاب الذنب…
تفسير حلم إنفاق المال في المنام التفسير العام لرؤية إنفاق المال في المنام إنفاق المال…
تفسير حلم أكل لحم نفسه في المنام التفسير العام لرؤية أكل لحم نفسه في المنام…
تفسير حلم الإبرة في المنام التفسير العام لرؤية الإبرة في المنام الإبرة في المنام ترمز…