قراءة فنجان الابراج الاربعاء 17/8/2022 آب أغسطس

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج الاربعاء 17/8/2022 آب أغسطس

الحمل
شو خبرني فنجانك يا حمل
عندك اجتماع بالعمل بخص جردة او شي بخص عملك بدك تناقش امور بتتعلق بهيدا الاجتماع مع حدا من المسؤولين عنك بدك تواجه شخص بقلب هيدا الاجتماع وهيدا الشخص بدو يستفزك حتى تنفعل بشكل كبير بدك تنتبه كتير منيح يا حمل من هيدا الشخص انت بتعرفو منيح
الوضع المهني
بدك تثبت جدارتك ونشاطك وقدراتك ووجودك يا حمل بدك تحضر اجتماع كتير مهم بالعمل وهيدا الاجتماع بدو يصير في قرارات وبين هلقرارات في قرار بدو يزعجك وبدك تنحط بموقف كتير صعب بدك تواجه هيدا القرار بس شايفة منك لحالك في بعض الزملاء بدهن يساعدوك ويدعموك ويكونو حدك امورك المهنية بقول كتير منيحة عندك نشاط وبتبزل مجهود كبير حتى تثبت نفسك وجدارتك
الوضع المالي
بدك تلتزم بأمور بتتعلق بشؤون العائلة ببتخص المال شايفة وضعك المالي الحمدالله
الوضع العاطفي
الشريك العاطفي بدو يساعدك ويدعمك بأمور مختلفة بتخصك خليك قريب من الشريك وخلي اهتماماتك بالشريك العاطفي اكتر
بقلب بيتك الوضع العائلي امورك تمام الحمدلله مع الأهل وأفراد العيلة مني شايفة شي بيزعجك
شخصيتك اليوم رايق وهادي ومقابلة مع الشريك

فنجان برج الثور الابراج الاربعاء 17/8/2022 آب أغسطس

الثور
شو بقول فنجانك يا ثور
اتقي شر من أحسنت إليهم
بدك تواجه مشكلة مع شخص من المقربين إلك هيدا الشخص بدو يستغلك وشايفة بدو ياذيك بأمور مختلفة بتخصك بدك تواجه هيدا الشخص وشايفة بدو يصير في نقاش حاد وزعل حدا من المقربين منك بدو يحكي كلام بخصوص هيدي المشكلة والخلاف هيدا الكلام للاسف كلو كذب وافتراء هيدا الشخص انت من فترة منها بعيدة طلب المساعدة والدعم والمساندة منك كنت اول من ساعد هيدا الشخص اتقي شر من أحسنت إليهم يا ثور
الوضع المهني
امورك تمام بالعمل شايفة بدك تستلم مشروع عمل جديد وهيدا المشروع بدو يرفع من شأنك يا ثور شايفة عندك نجاح وتفوق كبير بعملك الحمدلله
الوضع المالي
عندك نفقات مالية بتخص الاهل والشريك وضعك المالي بشكل عام الحمدلله بالف خير
الوضع العاطفي. في أغراض بتخص الشريك بدك تجيبها شايفة امورك العاطفية الحمدلله بالف خير الشريك متفهم وضعك
بقلب بيتك الوضع العائلي بدك تناقش وتواجه الاهل بخصوص مشكلة صارت معك مع بعض الأشخاص المخادعين
شخصيتك اليوم مزعوج ومعصب لأسباب كتيرة بس شايفة بعدين بدك تكون رايق وهادي

فنجان برج الجوزاء الابراج الاربعاء 17/8/2022 آب أغسطس

الجوزاء
شو بقول فنجانك يا جوزاء
شايفة عندك سفر خارج البلاد شايفة طيارة بفنجانك وهيدي الطيارة بتخصك بدك تاخد خطوة بخصوص عمل خارج البلاد وهيدي الأمر بدو ينجح وبدو يتم بإذن الله
الوضع المهني.
من فترة نهيت عقد عمل بخصك يا جوزاء وهيدا العمل كان بسببلك كتير مشاكل وزعل منك مرتاح بهيدا العمل شايفة بدك تاخد خطوة وهيدا الخطوة بدها تكون فرصة مهمة بحياتك يا جوزاء شايفة سفر وشايفة نجاح كبير ومال كتير بإذن الله
الوضع المالي
امورك المالية فيها شوية كركبة بدك كتير تنتبه لوضعك المالي بدك تخفف مصروفك ونفقاتك يا جوزاء
الوضع العاطفي
بدك تستلم هدية قيمة من الشريك شايفة بدك تنهي خلافك مع الشريك
بقلب بيتك الوضع العائلي بدك تناقش امور بتتعلق بخطوتك بتخص السفر والمال مع الأهل شخصيتك اليوم مقابلة مع الشريك بدك تشرح وضعك للشريك شايفة بدك تكون مرتاح كتير

فنجان برج السرطان الابراج الاربعاء 17/8/2022 آب أغسطس

السرطان
شو بقول فنجانك يا سرطان
نجمه الحظ والمال معك بإذن الله عندك مناسبة بتخصك شايفة فرح بقلب بيتك وبدك تقابل أشخاص وناس كتيرة وفي اشخاص مهمين كتير ذو نفوذ بدهن يكونو موجودين بقلب بيتك امورك العائلية الحمدلله بخير
الوضع المهني
عندك تكريم بالعمل وهيدا التكريم بخصك إلك بدك تستلم اوراق وبدك تمضي على قرار بيتعلق بشؤون العمل وهيدا القرار بخصوص منصب جديد ومهم بالعمل قول يا معين يا الله وضعك المهني الحمدلله بالف خير انت محبوب من قبل الزملاء والمسؤولين
الوضع المالي
بدك تستلم مبلغ مالي كبير وهيدا المال بيجيك عن طريق العمل امورك المالية تمام الحمدلله الوضع العاطفي باب الارتباط موجود شايفة عندك ارتباط جدي مع الشريك بدك تاخد خطوة بخصوص الشريك وهيدي الخطوة بدها تكون جدية
بقلب بيتك الوضع العائلي فرح بقلب بيتك بخصك شايفة نجمة الحظ موجودة بقلب فنجانك
شخصيتك اليوم سهرة مع الاصدقاء واجواء حلوة

فنجان برج الاسد الابراج الاربعاء 17/8/2022 آب أغسطس

الأسد
شو بقول فنجانك يا أسد
بدك تتلقى مكالمة هاتفية بتخص العمل خارج البلاد وبدك تناقش هيدا الأمر مع الشريك بتفكر كتير يا أسد بتحسين وضعك المالي والمهني والعاطفي والعائلي شايفة بدك تاخد القرار الصح بدك تفكر بمستقبلك وبدك تفكر بنفسك
الوضع المهني
بدك تستلم رسالة بتخص العمل وهيدي العمل خارج البلاد بدك تستلم هيدا العمل وبدك تنجح وتثبت نفسك وقدراتك بس شايفة بالبداية بدها تكون صعبة ودقيقة كتير بس شايفة بعدين بدك تكون مرتاح كتير وبدك تثبت جدارتك ونشاطك وقدراتك يا أسد ما تتردد ولا تتأخر هيدي فرصة مهمة كتير بالنسبة إلك
الوضع المالي
عندك صعوبات كتيرة بتخص المال يا أسد بدك تطلب مساعدة ودعم من الأهل وأفراد العيلة شايفة بدك تلاقي الدعم المطلوب الوضع العاطفي عندك نقاش حاد مع الشريك بخصوص العمل بدك تتجنب المشاكل وغضب الشريك بدك تنهي هيدا النقاش شايفة الشريك متفهم وضعك وامورك بقلب بيتك الوضع العائلي بدك تناقش وضعك وامورك المهنية والمالية مع الشريك ومع الاهل والعيلة شايفة بدك تلاقي الدعم المطلوب شخصيتك اليوم سهرة مع الأصدقاء واجواء حلوة مع الشريك

فنجان برج العذراء الابراج الاربعاء 17/8/2022 آب أغسطس

العذراء
شو بقول فنجانك يا عذراء
عليك بقضاء حوائجكم بالكتمان يا عذراء بدك تاخد خطوة بخصوص عمل جديد او شي خاص فيك وهيدي الخطوة بدها تكون بداية مهمة بحياتك المهنية والمالية والعاطفية خليك حذر يا عذراء من المحطين فيك بالأخص من الأقارب
الوضع المهني
بدك تستلم عمل جديد وهيدا العمل بدو يفتح عليك أبواب الرزق بإذن الله شايفة هيدا العمل بدو يكون فرصة إلك وبادرة خير قول الرزاق هو الله بدك ترتاح كتير بهيدا العمل فرصة إلك ولصالحك ما ضيعها يا عذراء
الوضع المالي
بدك تحسن من وضعك المالي بتفكر بشراء شي بخصك
الوضع العاطفي
شايفة عيون معجبين وقلب عندك يا عذراء قريب جدا حدا بدو يفتح معك موضوع ارتباط جدي
بقلب بيتك الوضع العائلي بدك تناقش امور بتتعلق بشؤون العمل مع الأهل وأفراد العيلة شايفة بدك تلاقي الدعم المطلوب من افراد عيلتك بخصوص هيدا العمل
شخصيتك اليوم رايق وهادي سهرة مع الأهل

فنجان برج الميزان الابراج الاربعاء 17/8/2022 آب أغسطس

الميزان
شو بقول فنجانك يا ميزان
بدك تكون بمناسبة بتخص حدا من المقربين إلك وبدك تقابل حب قديم شايفة بدها ترجع المياه لمجاريها بدك ترجع هيدي العلاقة وبدك تكتشف حقيقة كانت عالقة بتخص الشريك
الوضع المهني
امورك تمام بدك تحاول انك تتجنب المشاكل بالأخص مع شخص بقلب العمل هيدا الشخص بدو يحاول انو يقلل منك ويستفزك ويزعجك ما ترد يا ميزان
الوضع المالي
بدك تستلم اوراق بتخص مال وهيدا المال بخص الاهل والعيلة وبخصك شايفة امورك المالية الحمدلله بخير
الوضع العاطفي.
حب قديم بدو يرجع شايفة بدك تاخد خطوة بخصوص الشريك العاطفي
بقلب بيتك الوضع العائلي
بدك تناقش وضعك وامورك العاطفيه مع حدا من الأبوين وبدك تناقش ارتباط جدي شخصيتك اليوم رايق مقابلة مع حب قديم

فنجان برج العقرب الابراج الاربعاء 17/8/2022 آب أغسطس

العقرب
شو بقول فنجانك يا عقرب
بدك تاخد قرار هيدا القرار بدو يكون فجأة بخص العمل او بخص سفر خارج البلاد بدك تناقش هيدا القرار مع الشريك وبدك تكون مزعوج كتير من الشريك بخصوص هيدا الأمر شايفة هيدا الصح يا عقرب شايفة بفنجانك نجاح كبير وقريب كتير
الوضع المهني
امورك المهنية الحمدلله بخير انت عندك طموح جارف وعندك افكار وعندك احلام وامنيات بدك تحققها يا عقرب هيدا الأمر بدو يتم بإذن الله وبدو يأثر عليك اجابيا بالأخص بأمور بتتعلق بالمال
الوضع المالي
مكركب وملبك يا عقرب بدك ترتب امورك واوضاعك المهنية والمالية حتى ترتاح
الوضع العاطفي بدك تناقش الشريك بأمور مختلفة بتخصك بالأخص بالقرارات بتخص العيلة والشريك
بقلب بيتك الوضع العائلي بدك تناقش وتواجه حدا من الأبوين بخصوص امور بتتعلق بشؤونك المهنية والمالية شخصيتك اليوم فكر بالمستقبل وفكر بنفسك يا عقرب بدك تكون مرتاح ورايق

فنجان برج القوس الابراج الاربعاء 17/8/2022 آب أغسطس

القوس
شو بقول فنجانك يا قوس
بدك ترتب لقاء مع حدا من المقربين إلك بخصوص مال او مشكلة صارت معك وهيدا اللقاء بدو يعملك شوية مشاكل مع بعض أفراد عيلتك شايفة بدك تبالغ كتير برد فعلك يا قوس في امور مختلفة صارت معك بالماضي وهيدي الأمور بعدها مأثرة عليك بدك تطلع من الماضي يا قوس
الوضع المهني
عندك لقاءات كتير بالعمل شايفة بفنجانك باب العمل والنجاح والمال بإذن الله موجود ما بينخاف عليك يا قوس وضعك المهني بالف خير الحمدلله
الوضع المالي
بدك تستلم اوراق بتخص مال او بدك تدخل على بنك شايفة وضعك المالي الحمدالله
الوضع العاطفي
حدا قريب منك بدو يفتح معك موضوع بخص الارتباط العاطفي شايفة بفنجانك في ارتباط بس ماخر شوي بقلب بيتك الوضع العائلي بدك تقابل حدا من افراد عيلتك وهيدي المقابلة بدها تسعدك كتير يا قوس
شخصيتك اليوم خليك رايق وهادي بالأخص مع العيلة

فنجان برج الجدي الابراج الاربعاء 17/8/2022 آب أغسطس

الجدي
شو بخبرك الفنجان يا جدي
بدك ترتب الفوضى الموجودة بحياتك بدك ترتاح ماليا ومهنيا وقريب بدك تستلم اوراق بتخص مال او عمل جديد وهيدي الأوراق بدها تفتح عليك فرص مهمه بدك تقابل شخص بقلب بيتك هيدا الشخص بدو يعرض عليك عمل جديد وهيدا العمل انت بتنتمي الو ومبدع فيه شايفة بفنجانك يا جدي بدها امورك تتحسن وقريب جدا بدك تخبر خبر كتير حلو بخصك هيدا الخبر بدك تفرح وبدها تنزل دمعتك من الفرحة الكبيرة بإذن الله
الوضع المهني
بدك تنهي امور كانت عالقة بتخصك العمل بدك تدخل على دوائر رسمية وحكومية إكمال اشياء مهمة كتير بالنسبة إلك بتتعلق بشؤون العمل والدراسات والشهادات
الوضع المالي
بدك تخفف مصروفك ونفقاتك شايفة وضعك المالي شوي مكركب بدك ترتب امورك المالية
الوضع العاطفي
بدك تناقش وضعك وامورك المهنية والمالية والعاطفية مع الشريك شايفة بدك تهتم بالشريك اكتر بقلب بيتك الوضع العائلي شايفة بفنجانك فرح ببيتك وهيدا الفرح بخص حدا من افراد عيلتك
شخصيتك اليوم رايق وهادي بتفكر كتير بأمور بتتعلق بشؤون العائلة والمال

فنجان برج الدلو الابراج الاربعاء 17/8/2022 آب أغسطس

الدلو
شو بقول فنجانك يا دلو
عندك لقاءات كتير بتخصك شايفة عندك مناسبة بهيدي المناسبة بدك تقابل شخص مهم كتير وهيدا الشخص بدك تتحاور معو بخصوص موضوع متعلق بالعمل شايفة بدك تطرح على هيدا الشخص شراكة او شي بينك وبين هيدا الشخص شايفة عندك ثقة كبيرة بهيدا الشخص وبالعمل
الوضع المهني
بدك تتعرض لموقف كتير مزعج من قبل بعض الزملاء بالعمل بدك تناقش وشايفة عندك مشكلة صغيرة مع حدا من الزملاء وهيدا الزميل كتير بيزعجك وبيستفزك بأمور مختلفة بتخصك يا دلو شايفة حدا من المسؤولين عنك بدو يدخل بس لصالحك يا دلو امورك المهنية الحمدلله بالف خير انت عندك ثقة بنفسك وبقدراتك وهيدا الأمر بيسعد وبريحك كتير بالعمل
الوضع المالي
عندك التزامات ونفقات مالية كبيرة بتخص العيلة والاهل شايفة وضعك المالي لا معك ولا عليك
الوضع العاطفي
مكالمة هاتفية من الشريك بدها تفتح عليك باب الارتباط العاطفي
بقلب بيتك الوضع العائلي
بدك تناقش وضعك وامورك المهنية والمالية مع شخص مهم كتير وهيدا الشخص مقرب منك
شخصيتك اليوم سهرة مع الاصدقاء واجواء حلوة

فنجان برج الحوت الابراج الاربعاء 17/8/2022 آب أغسطس

الحوت
شو بقول فنجانك يا حوت
بدك تتلقى مكالمة هاتفية من حدا خارج البلاد وهيدي المكالمة بدها تكون بادرة خير بالنسبة إلك شايفة بدك تاخد. خطوة جادة بخصوص السفر خارج البلاد وبدك تاخد قرار مصيري بدك تغير حياتك للأحسن بإذن الله يا حوت شايفة بفنجانك نجاح كبير وقريب كتير منك يا حوت
الوضع المهني
بدك تستلم اوراق مهمة بتخصك هيدي الأوراق بدك تمضي عليها وبدك تمضي على حياة جديدة ومهمة يا حوت
الوضع المالي
أنت حريص على مالك واسرارك كتير يا حوت انت بحاجة إلى أموال شايفة اجا الوقت حتى تستفيد من هيدي الأموال
الوضع العاطفي
بدك تاخد خطوة تفاجىء الجميع بخصوص ارتباط مع الشريك شايفة صار وقت انك تاخد خطوة جادة بخصوص الشريك وتفرح مع الشريك
بقلب بيتك الوضع العائلي بدك تواجه وتناقش امور مختلفة بتتعلق بالعمل والارتباط والسفر مع الأهل شايفة بفنجانك دعم من الأهل والمقربين إلك شخصيتك اليوم سهرة مع الشريك بدك تكون مرتاح كتير

المصدر:عرب كلوب