ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
فنجان برج الحمل الابراج الاحد 6/2/2022 شباط فبراير
الحمل
شو بقول فنجانك يا برج الحمل
شايفة في خلاف بالعيلة بخصوص طلاق او فك ارتباط وهيدا الشي بدو يسعدك لانو انت من الاول منك موافق على هيدا الارتباط
الوضع المهني
عم تدرس مشروع عمل جديد او فرصة عمل بمؤسسة وهيدا الخطوة بعدك متردد اذا بمشي الحال او لا انا شايفة بفنجانك انو ما بيمشي الحال يمكن بكون احسن إلك لانو هيدا الشغل بدك تخسر ما في ربح ارجع يا حمل اشتغل بشهاداتك ودراستك شوف وين موجودة فرصتك
الوضع المالي
عندك نفقات مالية بتخص الشريك العاطفي شايفة هدية بفنجانك والهدية ثمينه
بقلب البيت
بدك تحضر شي بخص الاهل والعيلة بتحاول انك تحل المشاكل يلي عندك
شخصيتك اليوم
شايفة عندك مقابلة مع الشريك بدك تقضي اوقات حلوة
فنجان برج الثور الابراج الاحد 6/2/2022 شباط فبراير
الثور
شو خبرني فنجانك يا ثور
عم تستقبل ضيوف يا ثور جايين من طريق سفر وهودي الضيوف عزيزين عليك وعلى العيلة بدك تفتح موضوع متعلق بالعمل والسفر
الوضع المهني
خلصت دراسة يا ثور ناطرة فرصة عمل او سفر انا شايفة سفر محتم بالأخص بعد ما صار لقاء مع الضيوف تشجعت اكتر على هيدي الخطوة شايفة سفر عندك وقريب كتير كمان
الوضع المالي
ناوي تبيع شي بخصك وهيدا الشي بدو يتم انشاءالله
الوضع العاطفي
عندك مقابلة مع الشريك اشرح ظروفك ووضعك افضل بكتير للشريك
بقلب البيت
عندك عزيمة مهمة مرتبطة بالسفر للخارج والعمل بتحاول انك تفهم الأهل والمقربين
شخصيتك اليوم
مرتاح كتير ورايق وعم بتفكر كتير وبتحلم بالسفر
فنجان برج الجوزاء الابراج الاحد 6/2/2022 شباط فبراير
الجوزاء
شو قال فنجانك يا جوزاء
في قصة قديمة عندك وبدك تشكك بأحد الأشخاص الموجودين بحياتك حاول انك ما تظلم في شخص بعيد عنك هو لبيحكي عن قصصك بعدين بدك تكشف هيدا الشخص
الوضع المهني
عم بتحضر للمشروع وهيدا الشي بدو يوترك ويعصبك في بعض الأشخاص بدهم يطرحو عليك موضوع متعلق بالعمل والسفر
ناوي على هيدي الخطوة بس بدك تاخد وقتك ما تتسرع الخطوة لشيئين سفر بصدد العلم والدراسات والشيء الثاني بخص العمل ادرس الموضوع وخطواتك
الوضع العاطفي
خلافك مع الشريك ما بيستمر عم بحاول يلاقي حلول الشريك
بقلب البيت
حدا من افراد العيلة بدو يناقشك بأمور بتخص الاهل يعني الأبوين
شخصيتك اليوم
عندك مكالمة هاتفية من الشريك خفف تعصيب
فنجان برج السرطان الاحد 6/2/2022 شباط فبراير
السرطان
شو خبرني الفنجان يا سرطان بدك تحضر مشكلة او خلاف مع احد الاصدقاء ممكن تكون معلقة بأمر قضائي بدوائر رسميه ونزعات حول قضايا فك ارتباط وطلاق في بعض الأشخاص
لحاولو يحرفو الحقائق وتزوير في ونقل المشكلة إلى منحه آخر وهيدا الشي بيزعجك وبنحاول انك تحل مشاكلهم
هيدي المشكلة بدها تاخد كل طاقتك بس للاسف شايفة طلاق فراق
الوضع المهني
عم بتجهز اوراق بخصوص عمل جديد وهيدي الأوراق بدها متابعة دايما بس بخصوص المشكلة أثرت على اوراق ترخيص للعمل سلبا بدك تحاول انك تباشر بتجهيز كل الأوراق الرسمية الناقصة عندك
الوضع العاطفي
شايفة نقاش مع الشريك بسبب امور كتيرة بتخصك وبتخص للشريك
بقلب البيت
شايفة طاقة فرج بقلب البيت عندك بدها تفرج عليك انشاءالله
شخصيتك اليوم
ما تفكر كتير بأمور زعجتك انتكل على الله
فنجان برج الاسد الابراج الاحد 6/2/2022 شباط فبراير
الأسد
شو خبرني فنجانك يا أسد
شايفة عندك نجاح يا أسد بالدراسة او تخصص او شهادة بس للاسف في حدا بدو يزعجك بأمور عائلية
الوضع المهني
عم بتحضر للمشروع بخصك انت وعيلتك وبخص دراستك العلمية بدو يطلع حدا من قلب بيتك ويجادلك ويستفزك حاول انك تتجنب المشاكل بالأخص بوجود الأهل مكالمة هاتفية من احد الاصدقاء خارج البلاد وهيدا المكالمة بدها تعطيك طاقة إيجابية جيدة
الوضع العاطفي عندك حب جديد بحياتك يمكن يكون قريب منك
بقلب البيت بدك تناقش امورك مع العيلة والاهل ولاتنفعل وحاول تروق وتهدي
شخصيتك اليوم
الاصدقاء عم بحضرو لسهرة حلوة واجواء احلى
فنجان برج العذراء الابراج الاحد 6/2/2022 شباط فبراير
العذراء
شو قال فنجانك يا عذراء
طلعت على الحرية يا عذراء فكيت من امور عالقة بتخص عيلتك وبتخصك هيك احسن إلك انت بتحب المرح والسهر واللهو والحياة
الوضع المهني
عندك مقابلة عمل جديد بدك تتأكد من قرارك قبل ما تمضي على اي عقد لانو شايفة بفنجانك انت مستهتر بعملك كتير وبتعمل مشاكل
الوضع العاطفي
كل شوية برأي ساعة بتحب ساعة بتكره
بقلب البيت
الأهل والمقربين والأصدقاء والعيلة بدهن مصلحتك انت منك سائل
شخصيتك اليوم
عندك سهرة مع الاصدقاء لبحرضوك على أشياء مستفزة
فنجان برج الميزان الابراج الاحد 6/2/2022 شباط فبراير
الميزان
شو قال فنجانك يا ميزان
قريب جدا شايفتك بمحكمة عم تنهي اوراق طلاق او فراق
كنت بقلك تروى شوية يا ميزان بس هيك احسن إلك
الوضع المهني
انت ناوي على مشروع وبدك تاخد قرار وتمضي على عقد عمل جديد بس بعدين بتلاقي كل شي اختفى كانو المشروع تبخر ما تزعل شايفة بفنجانك عندك شغل جديد وهيدا الشغل بدو يحسنلك وضعك المهني والمالي هيدا كل حسد يا ميزان انت بتحكي كتير بامورك وامور غيرك عليك بالكتمان
الوضع العاطفي
عندك شي جديد بحياتك يا ميزان ما تتردد حب وعيش حياتك
بقلب البيت
شايفة بفنجانك مواجهات حادة وشرسة مع حدا من عيلتك بدك تاخد قرار بخص عيلتك
شخصيتك اليوم
منك رايق ولا مرتاح حسد وغيرة حواليك
فنجان برج العقرب الابراج الاحد 6/2/2022 شباط فبراير
العقرب
شو خبرني فنجانك يا عقرب
عامل حلال مشاكل يا عقرب بس انتبه في شخص بدو يورطك بأمور مالية خليك حذر يا عقرب
الوضع المهني
شايفة عندك نجاح مهم يا عقرب بدك تباشر بمشروع مهم انت واحد الزملاء المتفوقون بعملهن هيدا المشروع بدو يحسن علاقتك بالزملاء والاهل والشريك
الوضع العاطفي
شايفة انو ايامك الجاي حتكون احسن إلك وللشريك
بقلب البيت
انت بترتاح لما بتحكي شو معك وشو عليك مع حدا من افراد العيلة
شخصيتك اليوم
شايفة عندك طاقة فرج قريبة وفرحة مع الزملاء
فنجان برج القوس الابراج الاحد 6/2/2022 شباط فبراير
القوس
شو خبرني فنجانك يا قوس
شايفة أبواب كانت مسكرة من فترة طويلة وبلشت تفتح بذكائك ونشاطك وقدراتك
بس ما بيخلى من الناس الحاسدين براقبو كل تصرفاتك وبحسدو نجاحك قل أعوذ برب الفلق
الوضع المهني
بدك تعمل مقابلة عمل مهمة بالنسبة إلك هيدي المقابلة حاطتت كل آمالك واحلامك عليها بدها تصير هيدا المقابلة وبدك تنجح بس بعد هالشي بدو يصير في جدال مع بعض الأشخاص الزملاء بالعمل وبينحسم الموضوع لصالحك بدك تتفوق وتثبت نشاطك ويعتمدو عليك بعض الأشخاص بالعمل الإبداعي
الوضع العاطفي
اهتم بالشريك لانو بحاجة لاهتمام وبحاجة إلك
بقلب البيت
بدك تجيب أغراض او شي عفش بخص الاهل والعيلة
شخصيتك اليوم
مزعوج من امور صارت معك بالعمل
فنجان برج الجدي الابراج الاحد 6/2/2022 شباط فبراير
الجدي
شو خبرك الفنجان يا جدي
في حدا من افراد العيلة بدو يستشيرك بخصوص ارتباط او محبس او شي بخص ارتباط
انت منك مقتنع ومنك موافق بس ما بتحكي هالشي بضل بينك وبين نفسك
حاول انك تفهم الآخرين بكون احسن إلك والهن ما تكون اناني بأخذ اي قرار بيتعلق بشؤون العائلة
الوضع المهني
بدو يلعب معك الحظ بالعمل يا جدي وهيدا الشي بدو يأثر عليك اجابيا في بعض الأحيان لانو بيكترو عليك المعجبين والمحبين بدك تاخد قرار بخص مشروع عمل وتشارك بعض المقربين بالعمل والقرارات انا شايفة بفنجانك نجاح كبير وقريب كتير هيدا المشروع بأمنلك حياتك المهنية والمالية
الوضع العاطفي
الشريك بيتحنبك لأنك مزاجي ومتقلب حاول انك تقرب اكتر من الشريك
بقلب البيت
في كلام بخص محبس او ارتباط حدا من افراد العيلة حاول انك تتفهم الامور اكتر
شخصيتك اليوم
مزاجي ومتقلب هيدا الأمر عم يزعجك ويزعج المحيطين
فنجان برج الدلو الابراج الاحد 6/2/2022 شباط فبراير
الدلو
شو خبرك الفنجان يا دلو
بدك تناقش وضعك مع بعض الأشخاص والأصدقاء المقربين إلك بدك تزور فرشة مريض قريب من عيلتك
الوضع المهني
بدها تجيك فرصة على طبق من ذهب بخصوص شغل جديد وبتمضي على عقد عمل وهيدا العمل انت بتنتمي لاإلو بدك تبلش تنفذ مع فريق عمل ناجح وكامل وهيدا الشي بعزز عندك ثقة بنفسك وبقدراتك يا دلو قريب جدا بدك تاخد هيدا القرار بمساعدة من بعض الأشخاص المهمين
الوضع العاطفي
الشريك بيحمل همك وبيدعمك بكل قراراتك
بقلب البيت
شمسك شارقة يا دلو قريب جدا بدك تفرح انشاءالله
شخصيتك اليوم
انت بتحب تكون مستقل لحالك بتحب الوحدة
فنجان برج الحوت الابراج الاحد 6/2/2022 شباط فبراير
الحوت
شو قال فنجانك يا حوت
عندك مواجهات صعبة ودقيقة يا حوت بتخص حدا من الزملاء
الوضع المهني
بدك تواجه مشكلة مع حدا من الأشخاص لبكونو ذو وجهين بدهن يدخلوك بمشكلة انت وحدا من الزملاء المقربين منك وبدك تخلص من هيدي المشكلة لانو خصمك ضعيف انت عندك ثقة بنفسك انت عندك إخلاص وصادق التعامل مع الناس هيدا الأمر بكون لصالحك وصالح الزميل شايفة بفنجانك هيدي المواجه بدها تفتح باب الترقية بمنصبك
الوضع العاطفي
الحب بدو يطرق بابك قريب جدا وبدك تاخد خطوة جادة بخصوص ارتباط
بقلب البيت عندك طاقة فرج قريبة بتحل الأمور لبتتعلق بوضع الأهل وأفراد العيلة
شخصيتك اليوم
معزوم على سهرة حلوة مع الأصدقاء والزملاء اجواء حلوة