ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان
فنجان برج الحمل الابراج السبت 26/2/2022 شباط فبراير
الحمل
شو خبرني فنجانك يا حمل
شايفة زعل من حدا من افراد العيلة بخصوص مشكلة او إرث او شي بدك تزعل على حالك وعلى نفسك انك ضحيت كتير أمام العيلة او مشكلة تخلو عنك
الوضع المهني
خود خطوة جادة بخصوص عملك يا حمل شو ناطر معك المال وعندك ذكاء وتفوق وعندك الخبرة وعندك المكان شايفة بدك تاخد خطوة وتبلش تنفزها
الوضع المالي
مرتاح ماليا بمجهودك وتعبك قدرت انك دخر من عملك أموال واجت الفرصة حتى تشغلهن بمشروعك
الوضع العاطفي
مقابلة مع الشريك بدك تشكي وتحكي شو زاعجك
بقلب بيتك
زعل من افراد العيلة والاهل وبدو يعكس عليك سلبا
شخصيتك اليوم
مقابلة مع الشريك بدها تريحك وتطلع من جو الكائبة
فنجان برج الثور الابراج السبت 26/2/2022 شباط فبراير
الثور
شو بقول فنجانك يا ثور
في خبر حلو بالعيلة خبر مولود جديد او بدو يجي وهيدا المولود بكون وجه خير عليك
الوضع المهني
انتبه من الأشخاص ذو وجهين يا ثور في حدا قريب منك بالعمل بدو يحاول يفشل مشروع عمل بخصك إلك ما بقلك انو ما بيطلع من امرو شي لا بدو يأذيك بس في حدا من المسؤولين عنك بدو يكون حدك وداعمك
الوضع المالي
تمام عندك نفقات مالية بتخص الاهل والعيلة ضمن إطار المعقول بس بتأثر عليك
الوضع العاطفي
في شوية توتر بالعلاقة العاطفية يمكن الشريك منو متفهم وضعك
بقلب بيتك
شايفة فرحة بالبيت بتخصك او بتخص حدا من افراد العيلة مولود جديد
شخصيتك اليوم
سهرة حلوة مع الأصدقاء عيش حياتك يا ثور
فنجان برج الجوزاء الابراج السبت 26/2/2022 شباط فبراير
الجوزاء
شو بقول فنجانك يا جوزاء
بدك تخسر حدا من الاصدقاء يا جوزاء وهيدا الصديق عملك مشاكل كتير مع بعض الأشخاص والأصدقاء المقربين بدك تحسم هيدا الأمر وتقطع علاقتك فية
الوضع المهني
انت ما بتثق بحدا بالأخص الموجودين بحياتك المهنية لذلك بضل متحفظ على بعض المشاريع والعروض الجديدة وهيدا سبب نجاحك يا جوزاء
الوضع المالي
خفف مصروفك ونفقاتك وسهراتك يا جوزاء بعدين بدك تندم
الوضع العاطفي
بدها توصلك هدية من الشريك بدها تسعدك انشاءالله
بقلب بيتك
شايفة امورك مع العيلة والاهل كلها تمام ما في شي يزعجك
شخصيتك اليوم
عندك سهرة او عشاء مع بعض الأصدقاء القدماء
فنجان برج السرطان السبت 26/2/2022 شباط فبراير
السرطان
شو بقول فنجانك يا سرطان
شايفة انك متوتر وخائف من مشكلة بتخصك انت شي صاير معك من فترة زمنيه ما تخاف يا سرطان الحق معك
الوضع المهني
بدك ت تواجه بعض الصعوبات في عملك وهيدي الصعوبات بدها تاخد كل طاقتك ومجهودك بدك تثبت حالك بس بدها تمر انشاءالله حدا من الزملاء معك بدو يحاول يستغلك ويستغل طيبة قلبك بحاول يطلب مساعدة مالية إياك الدخول في موضوع متعلق بالمال بالأخص مع هيدا الزميل
الوضع المالي
شايفة في عندك ديون مالية منها كبيرة بتخص حدا من طرفك بدك ترتب امورك المالية
الوضع العاطفي
خلافات مع الشريك بتفكر تنهي العلاقة
بقلب بيتك
بدك تكون مستعد لأي نقاش بخص الاهل والعيلة وبخص وضعك المالي
شخصيتك اليوم
مرتاح ورايق نفسيا
فنجان برج الاسد الابراج السبت 26/2/2022 شباط فبراير
الأسد
شو خبرني فنجانك يا أسد
شايفة عندك صلح حدا قريب منك كان عندو مشكلة مع أشخاص بدك تدخل ويصير صلح وبيمشي الحال بس بدك تدفع مبلغ مالي كبير وهيدا الأمر يمكن يعملك شوية مشاكل مالية
الوضع المهني
وضعك تمام إلى التقدم والازدهار والنجاح كل يوم بتثبت نجاحك المهني بدك تناقش مشروع مع حدا من الأشخاص ذو نفوذ وبدو يكون عندك فرصة كبير بعمل ابداعي
الوضع المالي
الحمدالله بس بصير في مشكلة بتخص حدا قريب منك وبدك تدفع مبلغ كبير وهيدا المبلغ بيعملك شوية مشاكل مالية.
الوضع العاطفي
آخر رواق الشريك بيهتم بأمورك وبيدعمك كمان
بقلب بيتك
عندك ناس كتير شايفة في صلح بمشكلة
شخصيتك اليوم
آخر رواق سهرة حلوة مع الشريك
فنجان برج العذراء الابراج السبت 26/2/2022 شباط فبراير
العذراء
شو بقول فنجانك يا عذراء
شايفة عندك خبر سعيد وعندك خبر زعل يا عذراء
بعدك عم بتمر بأوقات صعبة بخصوص العيلة ومشاكلها يا عذراء
الخبر السعيد بخصوص شغل
الوضع المهني
عندك شغل جديد او مقابلة عمل جديد وهيدي المقابلة بدها تعطيك فرصة لتثبت فيها نفسك وقدراتك وامكانياتك ولكن هناك مشكلة معينه بتخص احد الاصدقاء لبدو يزعجك بعملك وناطر خلي مصالحك ومستقبلك وعملك رقم واحد يا عذراء
الوضع المالي
بدك تمر عليك اوقات صعبة شوية بتخص وضعك المالي
الوضع العاطفي
عندك مقابلة مع الشريك بس للاسف بدو يكون فيها شوية مشاكل
بقلب بيتك
مواجهات شرسة مع بعض أفراد العائلة بتخص أغراض
سخصيتك اليوم
ساعة رايق وساعة معصب
فنجان برج الميزان الابراج السبت 26/2/2022 شباط فبراير
الميزان
شو بقول فنجانك يا ميزان
شايفة مشروع سفر يا ميزان عندك سفر محتم في بعض من الأهل معارض والبعض داعم
الوضع المهني
بلشت تحضر اوراقك وشهاداتك عندك دخول على دوائر رسمية وحكومية لتخليص اوراق بتخص شهاداتك بدك تحصل عليها قريب جدا شايفة عندك نجاح بس بدك تتعب بالأول
الوضع المالي
بدك ترتب امورك المالية وبدك تلاقي الدعم من الأهل
الوضع العاطفي
شايفة الحب بدو يطرق بابك بس خارج البلاد
بقلب بيتك
شايفة نقاش حاد مع الأهل بخصوص السفر انشاءالله
شخصيتك اليوم
سهرة مع الأهل والمقربين بدو يكون فيها شوية توتر
فنجان برج العقرب الابراج السبت 26/2/2022 شباط فبراير
العقرب
شو بقول فنجانك يا عقرب
اليوم شايفة فنجانك رايق ما في زعل
عندك لقاء مع شخص مهم هيدا اللقاء منها او مرة بتلتقي فيه بس ما حدا بيعرف يعني بالسر وهيدا المطلوب يا عقرب
الوضع المهني
كأنك عم بتجهز مفاجاءت كتيرة ومهمه بتخص عملك وهيدا الشخص داعمك ماليا ومهنيا معنويا بدك تستغل هالفرصة يا عقرب وبدك تفكر بمستقبلك وبدك تنجح وتكون مرتاح ماليا ومهنيا حلو فنجانك
الوضع المالي
قلتلك فنجانك كتير حلو
ماديا مرتاح على وضعك ما بينخاف عليك بيجيك الدعم اللازم
الوضع العاطفي
إلك فترة بتفكر بالارتباط الجدي بدك تاخد هيدي الخطوة قريب كتير انشاءالله
بقلب البيت
عندك عزيمة مهمة لشخص مهم
شخصيتك اليوم
آخر رواق وهادي ومتفهم الآخرين
فنجان برج القوس الابراج السبت 26/2/2022 شباط فبراير
القوس
شو بقول فنجانك يا قوس
بتفكر كتير يا قوس أفكارك متل موج البحر بتاخدك وبتجيبك بتفكر بمشكلة صارت مع حدا قريب كتير منك وهيدي المشكلة اخدت كل أفكارك بحلها بس بدك تجتمع مع حدا كتير مهم وبدك تحلها يا قوس بس بدك تتعب بس هيدي المشكلة بدها تحطك تحت امر الواقع
الوضع المهني
إلك فترة طويلة مستهتر بعملك وبتأجل كتير بدك ترتب امورك ما تخلي مشاكلك العائلية تأثر عليك وعلى عملك بعدين بدك تندم يا قوس انتبه لعملك غيرك ناطر فرصتك حدا من الزملاء بحاول يغطي عنك بالعمل ويساعدك حاول ترتب أوضاعك العائلية حتى تعطي لعملك مجهود اكتر
الوضع المالي
عندك نفقات ودفعات مالية غير متوقعة بدها تعملك شوية كركبة وعجز
الوضع العاطفي
علاقتك بالشريك هيدي الفترة متوترة شوية انت عم تتجنب الشريك
بقلب بيتك
مواجه مع شخص من افراد عيلتك بخصوص مشكلة معينه صارت معو وبدها تكون مواجهات شرسة
شخصيتك اليوم
هموم الدنيا كلها فوق راسك فحاول انك تطلع تسهر وعيش حياتك
فنجان برج الجدي الابراج السبت 26/2/2022 شباط فبراير
الجدي
شو بقول فنجانك يا جدي
ليش مهموم وعندك عتب ولوم مو بس على الزملاء بالعمل ولكن على الشريك العاطفي على الأخوة والاخوات والأصدقاء صار سؤ الفهم الحاصل هيدا الأمر عم يزعجك من خلال تواجد بعض المقربين إلك حتسمع كلام من حدا من الأقارب بخصوص هيدا الأمر انتبه منو هو ذو وجهين منافق تجتب الكلام باي امر معو
الوضع المهني
بتنوي على مشروع او شغل جديد او عندك مقابلة عمل هيدي فرصتك يا جدي بدك تعمل مقابلة عمل مهمة مرتبطة بمهارتك وتفوقك وشهاداتك بدك تناقش امور بتتعلق بشؤون العلم والدراسات بهيدي المقابلة بدك تاخد فرصة وفرصتك حلوة بس عليك بالكتمان والسرية التامة عندك حسد قوي عيون حسد كتيرة عليك وعلى شغلك وعلى عيلتك
الوضع المالي
شايفة عنك مبلغ مالي بيفرجك حاول انك تخفف مصروفك شوية
الوضع العاطفي
عندك عتب ولوم على الشريك
بقلب بيتك
بدك تناقش امور بتتعلق بشؤون العائلة…
فنجان برج الدلو الابراج السبت 26/2/2022 شباط فبراير
الدلو
شو بقول فنجانك يا دلو
شايفة بفنجانك سفر بدك تاخد خطوة سفر بمجال عملك هيدي الفرصة ما ضيعها يا دلو
الوضع المهني
بدك تاخد قرار وتشارك بعض الزملاء بالعمل الافياء المخلصين إلك هيدي الخطوة مو بس انت بدك تاخدها حتى الزملاء لمعك عندك دخول على دوائر رسمية إكمال بعض الأوراق والمستندات المطلوبة
شايفة عندك سفر وبدك تنجح وتجمع مال
الوضع المالي
عندك دفعات مستحقة وبدك ترتب امورك المالية
الوضع العاطفي
شايفة عندك مقابلة مع الشريك وهيدي المقابلة بدك تناقش وضعك مع الشريك
بقلب بيتك
امورك تمام ما في شي بيزعجك
شخصيتك اليوم
مقابلة مع الشريك بدك تاخد قرار بخصوص الشريك العاطفي
فنجان برج الحوت الابراج السبت 26/2/2022 شباط فبراير
الحوت
شو قال فنجانك يا حوت
بدك تكتشف قصة جديدة بتخص زميل بالعمل وهيدي القصة بدها تكشف قصص وناس كنت مخدوع فيها
الوضع المهني
في شي بالعمل بدك تكتشف امور بتخص العمل وفي زميل معك بالعمل بحاول انو يورطك ويقلل من قدراتك ونجاحك انتبه بدك تكتشف هيدا الشي بالصدفة لازم تواجه وتاخد قرار بعلاقتك وتكتشف الأمور بتخصك وبتخص العمل
الوضع المالي
مرتاح ماليا يا حوت شايفة سيارة جديدة ناوي تجيبها قريب انشاءالله
الوضع العاطفي
عندك مقابلة مع الشريك بعد فترة من التوتر وفتور بالعلاقة وهيدي المقابلة بدك تحسم امور كانت زاعجتك
بقلب بيتك
عندك مواجه مع الأهل وأفراد العيلة بخصوص مشكلة بتخصك
شخصيتك اليوم بدك
تتجنب المشاكل بالأخص مع الأهل والشريك