قراءة فنجان الابراج الاربعاء 2/3/2022 اذار مارس

ما هي توقعات فنجان الابراج بحسب مواليد الابراج نقدم لكم في عرب كلوب خدمة قراءة الفنجان للأبراج وذالك من خلال مقال يتجدد كل يوم عبر موقعنا من اشهر علماء قراءة الحظ والفنجان

فنجان برج الحمل الابراج الاربعاء 2/3/2022 اذار مارس

الحمل
شو خبرني فنجانك يا حمل
شايفة أغراض بدها تدخل على قلب بيتك وهودي الأغراض بخصو حدا من افراد عيلتك حدا من المقربين بدو يعترض على الأغراض
الوضع المهني
عندك شوية مشاكل بتخص العمل يا حمل هيدي المشاكل انت ما خصك حدا من الزملاء بدو يدخلك بمشكلة بس انت بدك تكون حذر بتعاطيك مع الزميل وبدك تكشف امور بتتعلق بالمشكلة والعمل وهيدي الأمور بدها تكون لصالحك
الوضع المالي
ما معك ولا عليك هيدا الأمر بريحك بس ناوي انك ترتب امورك المالية
الوضع العاطفي
شايفة الشريك زعلان منك لازم تهتم اكتر من قبل
بقلب بيتك
امورك بالبيت تمام ما في شي يزعجك والوضع مع الأهل والمقربين مريح
شخصيتك اليوم
مرتاح بتحاول انك تتجنب اي مشكلة

فنجان برج الثور الابراج الاربعاء 2/3/2022 اذار مارس

الثور
شو خبرني فنجانك يا ثور
فنجانك أليوم حلو يا ثور
شايفة فرح او عندك فرح قريب جدا حدا من افراد العيلة في ارتباط وهيدي الخطوة الكل راضي عنها
الوضع المهني
عندك اجتماع خاص بالعمل مع أشخاص مهمين وهيدا الاجتماع بدو يكون سري قيد الكتمان يا ثور لانو في أشخاص بحاولو ياذوك ويفشلو اي مشروع بخصك إلك بدو يصير هيدا الأمر وبدك تنجح وتكون متفوق وبدك تاخد جائزة على انجازك وهيدا الأمر بدو يزعجهن و يكشف مخططتاهم
الوضع المالي
امورك المالية عال العال الحمدلله منك بحاجة لحدا وهيدا المهم
الوضع العاطفي
بدك تقابل الشريك وبدك تكون مستعد لأي خطوة بتخص الشريك والارتباط
بقلب بيتك
شايفة فرح او خطبة بتخص حدا من افراد العيلة وبتكون سعيد ومبسوط
شخصيتك اليوم
آخر رواق وفرح بالبيت وايامك حلوة

فنجان برج الجوزاء الابراج الاربعاء 2/3/2022 اذار مارس

الجوزاء
شو خبرني فنجانك يا جوزاء
عم بتمر بظروف صعبة شوية بتخص حدا قريب منك من الاصدقاء القدماء عندو مشكلة عائلية طلاق او فراق وبدك تتدخل لتحل المشكلة بس للاسف ما بيطلع من امرك شي وهيدا الشي بخليك مزاجك معكر
الوضع المهني
عندك مقابلة مع احد الأشخاص بخصوص عمل جديد وهيدي المقابلة بدها تكون سرية شوية بدك تغير مكان عملك وهيدا التغير بدو ينعكس عليك اجابيا مو غلط يا جوزاء شوف وين مصلحتك واهدافك
الوضع المالي
موعود بمبلغ مالي او بدها تجيك حوالة مالية بدها تفرجك
الوضع العاطفي
اهتمام الشريك فيك بيسعدك بس خفف غيرة شوية
بقلب بيتك
عندك نقاش مع حدا من افراد العيلة بخصوص صديق إلك
شخصيتك اليوم
رايق وهادي عندك سهرة مهمة مع شخص مهم

فنجان برج السرطان الاربعاء 2/3/2022 اذار مارس

السرطان
شو خبرني فنجانك يا سرطان
بدك ترهن شي خاص فيك ذهب او أرض او عقار وبدك تتناقش مع حدا من افراد عيلتك اكبر سنا وهيدا النقاش بدو يتطور ويدخل المقربين ورجل دين بدو ينحل لصالحك يا سرطان
الوضع المالي
شايفة عندك دفعات او ديون مستحقة الدفع وهيدي الديون بدها تعملك شوية كركبة ومشاكل وبدك تتصرف يا سرطان
الوضع العاطفي
إلك فترة متجنب اللقاء مع الشريك وحتى المكالمات خفف شوية عن الشريك
بقلب بيتك
في مشاكل بتخصك بخصوص مبلغ مالي كبير حاول تكون اكتر دبلوماسية
شخصيتك اليوم
مزعوج منك حابب تشوف حدا ولا تسمع حدا

فنجان برج الاسد الابراج الاربعاء 2/3/2022 اذار مارس

الأسد
شو بدو يخبرني فنجانك يا أسد
بدك تزور فرشة مريض حدا قريب منك كتير بدو يدخل في وعكة صحية بدو يعملك شوية توتر وخوف وقلق بس شايفة الفرشة منيحة ما بتخوف
الوضع المهني
شايفة عندك حسد كتير وغيرة من بعض الزملاء المنافقين لبوجهك شي ومن وراء ضهرك شي شايفة في اجتماع او مناسبة بتخص العمل وهيدي المناسبة بدها تعملك نقلة مهمة بحياتك المهنية
الوضع المالي
الحمدالله امورك المالية بألف خير حدا من الاصدقاء القدماء بدو يطلب منك مبلغ مالي ما تتردد يا أسد
الوضع العاطفي
مرت العلاقة بمرحلة حرجة بس الحمدالله رجعت أحسن من الاول
بقلب بيتك
في شوية زعل بخص مريض بدو يمر على خير
شخصيتك اليوم
متقلب مزاجي ساعه بتكون مرح وساعة معصب

فنجان برج العذراء الابراج الاربعاء 2/3/2022 اذار مارس

العذراء
شو بخبرك الفنجان يا عذراء
فنجانك حلو ما في زعل شايفة بدك تمشي بطريق مع حدا يمكن الشريك العاطفي بدك تكون مرتاح وبدك تكون صريح يا عذراء
الوضع المهني
بدك تاخد خطوة سفر خارج البلاد بخصوص عمل هيدي الخطوة بدها تعملك شوية مشاكل وزعل من قبل بعض الأصدقاء والاهل بس بدك تاخدها بتلاقي أحلامك فيها
الوضع المالي
اديش انت حريص على مالك هيدا الشي ما بيمنعك من انو دلل حالك يا عذراء هيدي الفترة صرفت كتير بدك تحاول ترجع تجمع مالك
الوضع العاطفي
ما تكون متعدد العلاقات يا عذراء هيدا الشي بأثر عليك سلبيا
بقلب بيتك
بدك تناقش امور سفرك مع حدا من افراد العيلة والاهل
شخصيتك اليوم
ما تكون اناني وعنيد يا عذراء خليك رايق وهادي

فنجان برج الميزان الابراج الاربعاء 2/3/2022 اذار مارس

الميزان
شو خبرني فنجانك يا ميزان
مهموم كتير يا ميزان حامل هموم العيلة والاهل على اكتافك خفف شوية واطلع على مستقبلك
الوضع المهني
انتبه في حدا بدو يستغلك ويستغل طيبة قلبك بحاول يطلب منك المساعدة والدعم بمبلغ مالي وبدو يورطك بأمور مالية ويخليك ترهن او تبيع شي بعدين بدك تندم كتير بس الندم ما بعود يفيدك يا ميزان
إياك الدخول باي امضاء على اي ورقة قبل ما تراجعها حتى لو كان اقرب صديق إلك
الوضع المالي
مرتاح ماليا نوعا ما منك بحاجة لحدا الحمدالله
الوضع العاطفي
عندك مقابلة مع الشريك بدك تاخد خطوة جادة او ناوي تاخد خطوة بخصوص ارتباط
بقلب بيتك
شايفة امورك تمام بقلب البيت ما قي شي بيزعجك او يعكرك
شخصيتك اليوم
شايفة مقابلة مع الشريك بدها طلعك من جو التوتر والقلق

فنجان برج العقرب الابراج الاربعاء 2/3/2022 اذار مارس

العقرب
شو قال فنجانك يا عقرب
بدك تنسأل سؤال من حدا وهيدا السؤال منو بريء في خبث بالأخص هيدا الشخص انت بتعرف منيح انو خبيث ما تجاوب بكون احسن إلك طنش
الوضع المهني
بدك تاخد قرار بمشاركة احد الاصدقاء خارج البلاد بمشروع مهم او فتح مؤسسة كبيرة وهيدا المشروع بدو يمشي خطى اسرع من العادي وبدو ينجح شايفة عندك نجاح مهم ومال الحمدالله
الوضع المالي
رتب امورك المالية لانو بعدين انت بحاجة إلى أموال لتكمل مشروعك
الوضع العاطفي
الشريك داعمك بكل المجالات
بقلب بيتك
عندك طاقة فرج قريبة انشاءلله وامورك تمام
شخصيتك اليوم
في عشاء خاص فيك بخص العمل بدك تكون اكتر من مرتاح وسعيد

فنجان برج القوس الابراج الاربعاء 2/3/2022 اذار مارس

القوس
شو بقول فنجانك يا قوس
شايفة عندك مقابلة مع احد الأشخاص بخصوص بيع أرض بتخص العيلة والاهل وهيدي الخطوة اخدتها بعد نقاش حاد مع الأهل وأفراد العيلة بدك تحلها المشكلة والأرض
الوضع المهني
إلك فترة مكتئب ما إلك نفس على الشغل ولا بتشارك باي نشاط او قرار بيتعلق بشؤون العمل وهيدا الشي بدو يسببلك مشاكل من بعض المسؤولين عنك حافظ على عملك يا قوس
الوضع المالي
ما في قول انك مرتاح ماليا يا قوس عندك مشاكل وعراقيل كتيرة
الوضع العاطفي
يمكن هيدا اكتر وقت انت بحاجة للشريك
بقلب بيتك
شايفة أشخاص بدهن يحلو مشكلة صارت معك بتخص افراد عيلتك والاهل
شخصيتك اليوم
حابب تكون لحالك راجع كل حسباتك

فنجان برج الجدي الابراج الاربعاء 2/3/2022 اذار مارس

الجدي
شو قال فنجانك يا جدي
في حدا ظلمك كتير يا جدي ما في أصعب انك تنفهم غلط صار سؤ فهم بأمور مختلفة وفي حدا رتب قصص عليك وظلمك كتير
الوضع المهني
شايفة وضعك المهني بلش ياخد الطريق الصحيح يا جدي وهيدا المطلوب بلشت تاخد فرصتك ويبين طموحك ونشاطك وقدراتك وامكانياتك يا جدي خطيت أول خطوة جادة بتخص العمل
الوضع المالي
شايفة عندك مال بس انت مصروفك ونفقاتك كبيرة خفف مصروفك ونفقاتك يا جدي
الوضع العاطفي
في شوية توتر بعلاقتك مع الشريك حاول انك تصلح هيدي العلاقة
بقلب بيتك
بدك تستقبل حدا جاي من طريق بعيد من افراد العيلة
شخصيتك اليوم
بدك تزيل سؤ الفهم والوضع بدو يكون مرتاح اكتر

فنجان برج الدلو الابراج الاربعاء 2/3/2022 اذار مارس

الدلو
شو بقول فنجانك يا دلو
عندك مكالمة هاتفية بتخص حدا من افراد عيلتك بدو يفتح معك حوار بخص الاهل والارث يا دلو لازم تنهي كل شي بيتعلق بشؤونك الإرث
الوضع المهني
في تعب كبير بعملك وهيدا الشي بخليك ترجع تعيد حساباتك من اول وجديد يا دلو
بدك تقدم على شغل جديد بس بدو وقت شوية ومتابعة ما تترك عملك قبل ما تلاقي البديل
الوضع المالي
شايفة امورك المالية الحمدلله احسن وبلشت تخلص من ديون الحمدلله
الوضع العاطفي
بدك تستشير الشريك العاطفي بأمور بتتعلق بشؤون العائلة والاسره والارث خود بنصيحتو
بقلب بيتك
بدك تناقش امور بتتعلق بشؤون العيلة مع الشريك
شخصيتك اليوم
مرتاح كتير شايفة مقابلة مع الشريك

فنجان برج الحوت الابراج الاربعاء 2/3/2022 اذار مارس

الحوت
شو بقول فنجانك يا حوت
صار وقت تحط النقط على الحروف يا حوت بخصوص بعض الأشخاص المجادلين والمزعجين
الوضع المهني
حدا بدو يغلط فيك ويقلل من قدراتك ونجاحك بدك تتواجه انت وهيدا الشخص وبدو يصير في مشكلة معو بس انت بدك تدافع عن نفسك واحلامك وبدك تحط النقط على الحروف وبدك تكشف هيدا الشخص أمام الزملاء والمسؤولين وبدك تاخد حقك وانت رايق وهادي بس كمان المسؤولين والزملاء بدهن يكونو حدك
الوضع المالي
مرتاح ماليا منك بحاجة لحدا
بدو يطلب منك مساعدة مالية بدك تساعدو وتوقف حدو
الوضع العاطفي
شايفة أغراض بدك تجيبها قريب وهيدي الأغراض بتخصك وبتخص الشريك وقريب جدا بدك تاخد خطوة بخصوص ارتباط جدي يا حوت
بقلب بيتك
شمس شارقة بقلب البيت حلو قلب بيتك يا حوت
شخصيتك اليوم
مقابلة مع الشريك بدك تاخد خطوة وتناقش امور بتتعلق بشؤون الشريك

المصدر:عرب كلوب